Kosova-Zvicra 21:35 në hapje të turneut Brazili 2015

Në Pallatin e Sporteve në Gjakovë të premten në mbrëmje ishte një atmsoferë e rrallë sportive në hapje të turneut tre ditor të kualifikimeve për kampionatin botëror të hendbollit për U21, Brazili 2015. Rreth 1.000 adhurues të hendbollit patën rastin të ndjekin dy ndeshjet  e para të këtyre garave ndrkombëtare.
Në ndeshjen e parë përfaqësuesja e Bjellorusisë shënoi fitore ndaj Malit të Zi 31:25( 16:11) dhe dësmoi se është pretendetja kryesore për tu kualifikuar. Ndërkaq përfaqësuesja e Kosovës pos fillimit që ishte e barbartë me Zvicren, gjatë tërë lojës ishte më e dobët. Përfaqësuesja U21 e Kosovës ka humbur ndaj helvetikëve, me rezultat të thellë 35:21.
Kryetrajneri I përfaqësueses së Kosoves, Verim Zherka tha pas ndeshjes se, këto janë poencialet tona…Na mungojnë hendëbollistë të sulmit, ndërsa Zvicra u tregua skuadër shumë cilësore…
Pjesë e grupit janë edhe Bjellorusia dhe Mali i Zi. Këto dy të fundit llogariten favorite të grupit. Vetëm fituesja e grupit siguron biletën për Botërorin U21.
Për Kosovën, që merr pjesë për herë të parë, e rëndësishme po vlerësohet edhe vetëm që të japë provimin me organizim të mirë.