Wednesday, April 10, 2024
AktualeLajme

Kremtohet Fiter Bajrami

Besimtarët Islam po kremtojnë festen e Fiter Bajramit.  Namazi i Bajramit është falur  në të gjitha xhamitë e komunës së Gjakovës, ndërkaq, manifestimi qendrorë i faljes së Bajramit është mbajtur  në orën 6  në xhamin e Hadumit  dhe është udhëhequr  nga Hafiz Safet Efendi Hoxha.

falja e bajramitMe këtë rast ai mbajti  një ligjëratë kushtuar vlerave sublime të agjërimit dhe njëkohësisht përcjelli  mesazhin e urimit për Bajramin e Madh.  Ndryshe, me rastin e Fiter Bajramit, gjatë ditës së sotme  në zyrat e Këshillit të Bashkësisë Islame në komunën tonë, prej orës 9 deri në orën 11 u organizua pritje për mysafirë dhe përfaqësues të subjekteve të ndryshme komunale.

Pas faljes së bajramit tradicionalisht vizitohen varrezat e më të dashurve ndërsa pason dreka solemne me ritet tjera të festës që pasurohen për tri ditë me ëmbëlsira dhe vizita tek të afërmit duke këmbyer urime për fat, lumturi e mirëqenie sociale.

“Gjakovapress” u bashkohet urimeve të përgjithshme për një  solidaritet me familjet e varfra  fat, lumturi dhe mirëqenie.