KRU Gjakova në Ditën botërore të ujit me projekte kapitale

Pasi janë rritur kapacitetet prodhuese në 1 mijë litra ujë në sekondë , vetëm vitin e kaluar, kanë hyrë 42 fshatra ne rrjet të ujësjellësit, ndërsa ka filluar ngritja e impiantit të ujërave të zeza. Furnizimi pandërprerë me ujë cilësor të pijes edhe në pikun e vapës, ulja e humbjeve të ujit në rrjet, ngritja e shkallës së inkasimit e tj. e kanë bërë KRU Gjakova, si kompaninë lidere në Kosovë.

Dita Botërore e ujit, 22 Marsi,  shënohet me qëllim të tërheqjes së vëmendjes për kujdesin e ujit për pirje dhe apelimit të, të gjithëve që të ndihmojmë në menagjimin sa me të mirë të burimeve të ujit. Vendin tonë sikur dhe në tërë Botën kjo date,  kësaj radhe po e gjen në betejë me pandemin globale COVID-19. Në kushtet e kësaj pandemie ofrimi i ujit të sigurt të higjienës dhe pastrimit janë thelbësore për mbrojtjen e shëndetit të njeriut.  Në njohtimin zyrtar me rastin e ditës botërore të Ujit, KRU Gjakova  thekson se   edhe në këto ditë është afër konsumatorëve duke zbatuar me përpikmëri të gjitha masat e nxjerra nga institucionet shtetërore dhe shëndetsore. Duke uruar që edhe këtë situatë ta kalojmë bashkarishtë, ju bëjmë thirrje për shpenzim racional të ujit, njëkohësisht ju lusim për pagesa dhe mirëkuptim. KRU “Gjakova” zotohet se furnizimi me ujë do jetë  panderprere,  gjithmonë në shërbim të konsumatorëve.