KRU RADONIQI, sipas CDI-së më e suksesshmja në Kosovë

Iniciativa e zhvillimit të komunitetit CDI  e ka  përzgjedhur K.R.U.”Radoniqi” si  kompaninë më të suksesshme  në mesin e Kompanive Rajonale të Ujësjellësve të Kosovës për bashkëpunim dhe shkëmbimin e përvojave të reja për të ardhmen.

Edhe një lajm na vjen nga kjo kompani .

Kompania Rajonale e ujësjellësit Radoniqi  në fillim të këtij muaji (2.06.2015) ka nënshkruar memorandumin e bashkëpunimit me Asociacionin e përbashkët të inkorporuar të Dorsch International Consultants GmbH , nga Minheni i Gjermanisë  dhe Comunity Development Initiatives  nga Prishtina   (me tekstin e mëtejmë së bashku referohen si AP Dorsch/CDI) për realizimin e programit mbështetës për Ujë dhe Kanalizim në zona rurale (RWSSP) faza e V-të. Ky projekt  ka për  qëllim  të sigurojë furnizim me ujë të pijshëm , të sigurt dhe infrastrukturë sanitare për komunitetet rurale pavarësisht etnicitetit . Këto sisteme të ndërtuara apo të rehabilituara sipas projektit  do të transferohen në Kompanitë përkatëse Rajonale të Ujësjellësit për menaxhim të  qëndrueshëm operacional.

Marrëveshja për bashkë-financim për zbatimin e programit RWSSP, faza e V-të është nënshkruar nga Qeveria e Republikës së Kosovës (përfaqësuar nga  Ministria e Financave) dhe Qeveria zvicerane  (përfaqësuar nga  Departamenti Federal i Punëve të Jashtme  përmes SDC-së), me  5 Qershor 2014.

Te dyja palët të cilat kanë lidhur  Memorandumin e Bashkepunimit  pranojnë rolet dhe përgjegjësit  e tyre sipas marrëveshjes së nënshkruar gjatë zbatimit të projektit.