Veteranët e arsimit të Gjakovës, edhe pas daljes në pension nuk e pushuan aktivitetin e tyre. Këta e formuan shoqatën e veteranëve të arsimit dhe me përkushtim iu rrekën punës për të hulumtuar dhe për të shkruar historinë e zhvillimit të arsimit në komunën e Gjakovës. Këtë punë kolosale e arritën duke shkruar tre libra për zhvillimin e arsimit në trevën tonë. Në librin e tretë me radhë, që e mbyll këtë trilogji, me titull “PORTRETE” shkruajnë për shkollimin, jetën, përpjekjet si dhe për veprimtarinë e mësuesve që dhanë kontributin e tyre për arsimimin e popullit shqiptar në shkollim të rregullt dhe në kurse kundër analfabetizmit duke u përpjekur për ta nxjerrë nga errësira e gjatë shekullore, si pasojë e pushtimeve të gjata, të cilat e kishin zhytur popullin tonë në errësirë të plotë, pa shkolla e pa dituri.
Gjashtë nga qindra mësues do të kujtohen në 130 vetorin e lindjes:Ibrahim Fehmiu, Nimon Ferizi, Ferid Imami, Murat Muhagjiri, Qamil Luzha dhe Jusuf Puka, që njihen si ndër të parët mësues të Gjakovës.
Akademinë përkujtimore për këta mësues e organizon Shoqata e Veterenatëve të Arsimit 7 Marsi në Gjakovë dhe Shoqata e Intelektualve Jakova. Akademia plrkujtimore mbahet neser në Pallatin e Kultures Asim Vokshi me fillim prej ores 12.