Loriku dhe Endriti në “Garat e XVIII-ta ndërkombëtare të kitarës klasike”

Gjatë  takimeve të drejtuesve të Shkollës së Muzikës “Prenk Jakova” të Gjakovës me përfaqësuesit e ambasadës së Bullgarisë, gjegjësisht ambasadorin Bobo Bobev, si dhe sekretarin e parë të kësaj ambasade, Miroslav Mitov, të cilët ishin prezent në Shkollën e Muzikës gjatë “Festivalit të Koreve të Evropës Juglindore” që u mbajt në Shkollen e Muzikës, është arritur deri tek dakordimi që të vazhdohet bashkëpunimi në mes kësaj shkolle si dhe Bullgarisë. Pas këtij dakordimi për bashkëpunim ka arritur ftesa  nga Kyustendili i Bullgarisë për të marrur pjesë në  “Garat e XVIII-ta ndërkombëtare të kitarës klasike” qe mbahen nga data 02-05-Prill 2014. Menjëherë pas kësaj ftese, drejtori Kastriot Sada së bashku me prof.Agron Peni si dhe Gjulian Bytyqi përzgjodhën dy nxënës të shkollës, njëri nga Shkolla e Ulët, Lorik Pylla, ndërsa nxënësi tjetër, Endrit Xërxa nga Shkolla e Mesme. Njiherit, pjesë e jurisë në këtë garë ndërkombëtare do të jetë Kastriot Sada.