Wednesday, April 3, 2024
Lajme

Mbahet Simpoziumi ndërkombëtar për Riprodhimin Human

Institucioni Shëndetësor “Fati Im” nën përkrahjen e Shoqatës së Gjinekologëve dhe Obstetërve të Kosovës  të shtunën organizoi “Simpoziumin Ndërkombëtar mbi Riprodhimit Human”. Në hapje të Simpoziumit foli dr. Afrim Muhaxheri I cili përgëzoi ekspertët për kontributin e dhënë në avancimin e kësaj fushe të mjekësisë ndërsa kujtoj se sivjet bebja e parë në Kosovë mbush 10 vite.

Fati im Poster 12Në emër të komunës të pranishmit I përgëzoi kryetarja e komunës Mimoza Kusari Lila ndërsa në emër të Shoqatës së Gjinekologëve dhe Obstetërve të Kosovës foli dr. Albert Lila. Përshëndeti në emër të veteranëve të gjinekologjisë dr. Samile Juniku ndërsa dr. Ali Iljazi solli përshëndetje në emër të  Universitetit Publik të Gjakovës. Pjesëmarrësi I ka përshëndetur edhe Masar Rizvanoli, nga Shoqata e Intelektualve Jakova.

Ky takim ishte  rast i mirë dhe  një mundësi ideale ku u prezantuan risitë e fundit ne teknologjitë e riprodhimit te asistuar dhe se bashku me ekspertë Evropian u debatuan  problemet, sfidat dhe mënyrat qe pacienteve kosovar t`iu ofrohen shërbime sa me cilësore  te nivelit te njëjtë si ne qendrat tjera evropiane te shteteve te zhvilluara.

Dr Sattler I cili vazhdimisht punon në bartjen e përvojave gjermane të fekondimit artificial tek mjekët kosovarë tha se Institucioni Shëndetësor ‘Fati im’ në saje të punës së suksesshme ka arritur standardet evropiane në fushën e riprodhimit human

‘Sukseset dhe tradita jonë në organizimin e simpoziumeve me këtë tematikë me ekspertë botërorë si dhe angazhimi i përbashkët në këtë drejtim, në simpoziumin e sivjetmë, ishte  kontribut i fuqishëm në avancimin shkencor dhe profesional të Riprodhimit Human’, tha Dr.Afrim Muhaxhiri, kryetar I Këshillit organizativ dhe drejtues I Qendrës për Trajtimin e Infertilitetit – Spitali Special FATI IM, Institucion ky që sivjet feston ditëlindjen e 10-të bebes së parë me IVF në Kosovë.