Lirik Bytyqi, pjesëmarrësi më i ri i turnirit amator në pingpong “Spin 2013” është shpallur edhe më i miri i këtij aktiviteti sportiv që u mbajt për herë të parë në Gjakovë. Në një atmosferë miqësore nën shoqërimin e muzikes Bytyqi ka mposhtur Gamir Gexhen në finale me rezultat të paster 3:0.
Në “Spin 2013” morren pjesë rreth 25 konkurentë, ndërsa jashtë kompeticionit për ndeshje nostaligjike tabelave ju rikthyen ish-lojtarët aktiv të pingpongut Admir Boshnjaku, Alkit Shehu dhe Gemb Xerxa.
“Spin-i e ka arritur qëllimin e synuar pasi që u tubuan entuziastë të sportit dhe ka shërbyer si mundësi e mirë për t’u njoftuar mes vete dhe për të diskutuar rëndësine dhe të ardhmen e këtij sporti në Gjakovë”-, tha pas mbylljes së finales, Albion Curri përfaqësues i Uninoit për Rini Aktive, që ishte dhe organizatore e këtij aktiviteti
Curri nuk ka harruar të falenderoj gjithë ata që kontribuan që “Spin 2013” të marrë jetë. Ai ka thënë se ky turnir është realizuar me perpjekjet e gjithë grupit dhe njerëzve të vullnetit të mirë që kanë ndarë shpërblimet për fituesit.
Organizatorët nuk kanë thënë nëse “Spin” do të bëhet tradicional, por nuk kanë ngurruar të premtojnë se do të bëjnë gjitha përpjekjet që edhe në të ardhmen të bashkpunojnë dhe të organizojnë evente të tilla sepse, sipas tyre, kanë hetuar se ka majft pasion dhë dëshirë për këtë sport në mesin e të rinjëve gjakovarë.
