Monday, June 10, 2024
AktualeLajme

Mbillen hektarët e parë me grurë

pranvera mbjelljetDerisa fushata e grumbullimit të perimeve dhe pemëve ka hyrë në fazën përfundimtare, prodhuesit bujqësorë  janë në fillim të punëve për mbjelljen e grurit dhe të  kulturave tjera  vjeshtore. Këtë vjeshtë në komunën e  Gjakovës do të mbillen gjithsejët 4 mijë e 690 hektarë me kultura bujqësore të vjeshtes ku do të domionoi si gjithnjë gruri. Sipas zyratrëve të Bujqësisë në Kuvendin komunal, sivjet me grurë janë planifikuar të mbillen 4 mijë e 550 hektarë, pastaj 110 hektarë me thekër dhe 30 hektarë me trokal. Për ta realizuar me sukses këtë fushatë, prodhuesve bujqësorë të komunës së Gjakovës do t iu nevojiten mbi 1 mijë e 640 tonelata me farëra cilësore dhe  rreth 3 mijë tonelata plehra kimike të llojit MPK dhe KAN. Ministria e Bujqësisë edhe këtë vit vazhdon me subvencionimin e prodhuesve të grurit, duke i mbështetur ata me nga 15o euro për njënhektarë gruri të mbjellur. Imputet e domosdoshme për prodhimtari cilësore gjenden në tregun tonë dhe cmimi i tyre nuk ndryshon shumë nga një vit më parë, mirëpo fermerët ankohen se  kostoja e prodhimit është e lartë karshi cmimit të grurit në treg. Megjithë këto vështirësi, bujqit e komunës së Gjakovës këtyre ditëve po vazhdojnë me përgatitjen, lëvrimin dhe procesin e mbjelljes së grurit duke shfrytëzuar në maksimum motin e përshtatëshëm.(