Sunday, February 4, 2024
AktualeLajmeSporti

Me 16 gusht nis kampionati, Vëllaznimi askund!

Vellaznimi me Koznikun dhe HasinMe 16 gusht nis kampionati I ri I Superliges se futbollit të Kosovës, ndërsa Vëllaznimi, ende nuk I ka filluar përgatitjet në pritje të zgjidhjes së problemeve financiare. Komuna e Gjakovës ka ndarë subvencionet për klubet sportive dhe ato mjete tashmë janë shfrytëzuar në sezonin e shkuar kur u bënë kampion të Ligës së parë. Kryetarja e komunës Mimoza Kusari Lila  ditë më parë kishte deklaruar në Radio Gjakovë se,  është kryesia e klubit ajo që duhet të siguroi donatorët për mbarëvajtjen e klubit futbollistik. Deri më sot nuk ka informacione se a është realizuar ndonjë takim I kryesisë së klubit dhe kryetares së komunës për të gjetur një zgjidhje kalimtare financiare, edhe për faktin se borxhet për ujin dhe rrymën e shpenzuar kanë bërë që të ndërpriten ato në stadium. Dihet vetën fakti se ka ngelur vetëm një muaj kur do të nisë kampionati I ri, kurse Vëllaznimi ende nuk ka nisur stërvitjet

Të mërkurën, KE i FFK-së mori vendim që kampionati i ri të fillojë më 16 gusht për Raiffeisen Superligën e Kosovës.