Wednesday, April 17, 2024
Sporti

Me 7 dhe 8 mars turneu ndërkombëtar në hendboll "Shqiponja 2014"

ShqiponjaMe mbështetje të Komunës së Gjakovës, të Ministrisë së Kulturës, Rinisë dhe Sporteve dhe të Federatës së Hendbollit të Kosovës, nga klubi hendbollistik në kategorinë e femrave Shqiponja, organizohet turneu tradicional ndërkombëtar në hendboll “Shqiponja 2014”. Ky turne organizohet në shënim të 7 Marsit-Ditës së Mësuesit dhe 8 Marsit-Ditës së Gruas. Turneu mbahet në palestrën e sporteve “Shani Nushi” dhe pos ekipit nikoqir Shqiponja, si i vetmi nga Kosova, marrin pjesë edhe Haskovo nga Bullgaria, Nikshiqi nga Mali i Zi dhe Çairi nga Maqedonia. Turneu organizohet me sistem eliminimi. Në ditën e parë, me datë 7 mars, në ora 15:00 bëhet hapja e turneut ndërkaq  në ora 16:00 zhvillohet ndeshja e parë gjysëmfinale. Ndeshja e dytë zhvillohet menjëherë pas ndeshjes së parë. Me datë 8 mars, në të njëjtin orar zhvillohen ndeshjet për vend të tretë e pas pëfundimit të kësaj zhvillohet ndeshja për vend të parë. Skender Alia, kryetar i klubit organizator të turneut pohon se “përgaditjet për organizim po shkojnë mbarë dhe besojmë se edhe ky turne do të dëshmohet si i një rëndësie të veçantë pr hendbollin e femrave në Kosovë”.