Ministri Saraqini 9 konkluza bashkëpunimi Shkup- Gjakovë

Në kuadër të bashkëpunimit që ka nisë Shoqata “Sofra gjakovare “ në Shkup dhe Shoqata e Intelektualve “Jakova” në Gjakovë,  ditë më parë në Shkup është realizuar një takim me ministrin e Ekonomisë së Maqedonisë, Valon Saraqini. Gjatë takimit  u bisedua rreth gjendjes së shqiptarëve në Maqedoni, Kosovë dhe Shqipëri, për mundësitë ekonomike në Maqedoni, dhe për aktivitete e qytetarëve shqiptarë me prejardhje nga qyteti i Gjakovës, në Maqedoni dhe Kosovë. U  arrit marrëveshje që të thellohet bashkëpunimi ndërmjet shoqatave të ndryshme, si dhe n mes tyre dhe institucioneve në dy vendet, ndërsa  u sollën këto konkluza: 

1. Të shqyrtohet mundësia që Shoqata ‘Sofra gjakovare’ nga Shkupi të fillojë aktivitetin për ndarjen e bursave për studentë, si aktivitet i ri që do të mund të bëhej tradicional, dhe si fillim Ministria e Ekonomisë dhe Komuna e Çairit do të kontribuojnë me së paku nga një bursë. Këtij aktiviteti do të duhej ti  bashkëngjiten anëtarë të shoqatës, biznesmenë, arsimdashës, etj. 

1. Gjatë verës së këtij viti, të organizohet një aksion humanitar, që do të bëhej tradicional, për mbledhjen e fondeve nga mërgimtarët dhe biznesmenët, për ndihmë familjeve të veteranëve të UÇK-së, familjeve të varfra, atyre në nevojë, dhe këtu do të theksoj karakteri humanitar i shoqatës në fjalë. 

1. Të organizohet një aktivitet sportiv,  përkatësisht ndeshje futbolli mes Klubit të futbollit ‘Shkupi’ nga Çairi dhe klubit të futbollit ‘Vllaznimi’ nga Gjakova, një lojë në Shkup, një në Gjakovë. 

1. Të organizohet-xhirohet një emision-dokumentar: ‘Gjakovarët në rajon dhe botë’, ku do të bëhej një përmbledhje e aktiviteteve të gjakovarëve në botë, protagonistët më të suksesshëm në botë në lëmi të ndryshme, sport, kulturë, biznes etj. Në këtë eveniment të shpallen tre gjakovarë konsuj nderi. p.sh. Cana, ndërsa në Gjakovë të përzgjidhet një personalitet që të shpallet Konsull nderi i Maqedonisë  në Kosovë. 

1. Të shqyrtohet mundësia për realizimin e një projekti të përbashkët që do të lidhte pikat turistike dimërore Kodra e Diellit nga Tetova me Brezovicën. 

1. Revitalizimi i Çarshisë së Vjetër në Gjakovë, sipas modelit të revitalizimit të Çarshisë së Vjetër të Shkupit, ku janë realizuar një sërë projektesh, dhe të cilat vazhdojnë të realizohen 

1. Rikthimi i statusit-Teatër i dytë kombëtar në Kosovë- Teatrit të Gjakovës, i cili ka buxhet prej 17 mijë euro në vit, që i pamundëson mbarëvajtjen e aktiviteteve, dhe njëkohësisht ka nevojë urgjente për rekonstruksion të përgjithshëm. Gjithashtu shumë artistë të rinj nuk kanë mundësi të zhvillohen sepse punësime të reja nuk janë bërë pas luftës së vitit 1999. 

1. Të organizohet vizitë e shoqatës Sofra gjakovare nga Shkupi në Gjakovë 

1. 9.     Më 7 shkurt është paraparë ceremonia e binjakëzimit të komunës së Çairit me komunën e Gjakovës, evenimenti mbahet në Gjakovë. (gjakovapress.info)