Wednesday, April 3, 2024
Aktuale

Mirëmëngjesi qyteti im!

 

Maratona Mimoza Kusari LilaUrimi më i këndshëm i këtij mëngjesi sot ka ardhë  nga vrapuesit e maratones dhe bjeshkatarët e Gjakovës.  Sot në qendër të qytetit, saktë në orën 8 të mëngjesit 12 vrapues pasionante të klubit Gërmia555 dhe mysafirëve të klubit në mbështetje të Komunës së Gjakoves dhe Bashkisë Tropojë nisën vrapimin për të shënuar shtegun prej 42 kilometra e 195 metra duke filluar nga Gjakova në Bajram Curr të titulluar “Maratona Kombëtare e Malësisë së Gjakovës”.Mimoza Maratona1

Kjo iniciativë është e para e këtij lloji, si në Shqipëri ashtu edhe në Kosovë ka për qëllim promovimin ekonomik të zonës së Malësisë së Gjakovës.Historia ndau këtë zonë dhe familjet e kësaj zone në dysh. Për më tepër, në vitet e fundit, zona e Malësisë së Gjakovës mbeti ekonomikisht prej zonave më të pazhvilluara në regjionin tonë.

Përmes kësaj iniciative, Klubi Gërmia555 synon rikthimin e vëmendjes në promovimin e Malësisë së Gjakovës, zonë e cila qoftë në aspektin ekonomik apo turistik ka shumë për të ofruar.

Edhe bjeshkatërt e SHBA Pashtriku sot në mëngjes janë nisur drejtë Koshares legjendare.Maratona Bjeshkataret 2