Derisa fushata e grumbullimit të pemëve të hershme verore dhe perimeve është në vlug, nga java e ardhshme pritet të filloi edhe një aktivitet tjetër i rëndësishëm në
bujqësi. Fillon korrja e misrit në rreth 5 mijë hektarë si dhe vjelja e rrushit në rreth 60 hektarë sipërfaqe. Në Drejtorinë e Bujqësisë thonë se fermerët janë përgatitur mirë për të përfunduar me sukses këtë fushatë, ndërsa rendimentet pritet të jenë të kënaqshme.
Në komunën e Gjakovës, fermerët kultivojnë farën cilësore që jep rendiment të lartë të misrit, ndërsa sa i takon vreshtave, derisa dikur kishte qindra hektarë, sot rrushi mezi po kultivohet në 60 hektarë dhe ai kryesisht është rrush i varieteve të prodhimit të verës. Sipërfaqe më të mëdha të vreshtave janë të shtrira në zonën e Dushkajës , pwrkatwsisht fshatrave Cermjan dhe Bec.
Ndryshe edhe këto dy kultura bujqësore nuk kanë shpëtuar nga breshëri dhe era e fuqishme që gjatë muajve të shkuar kishte përfshirë një pjesë të territorit të komunës së Gjakovës