Gjakova është e njohur për mjeshtër të mëdhenj të muzikës. Për një kohë të gjatë Shoqëria Muzikore Hajdar Dushi ishte ndër vatrat më të suksesshme të kultivimit të muzikës qytetare. Në fisharmonikë një kohë ishte mjeshtri madh Zekri Çarkaxhia- i njohur më shumë si Zuka, bashkë me violinistin e palodhur Xhavit Lota. Këto ditë nëntori, pas shumë dekadash i gjejmë bashkë në interpretimin e këngëve të bukura shqipe bashkë me grupin “Ashikët”. Njeri pranë tjetrit si dikur nëpër skenat e koncerteve e dasmave tradicionale. Ata i japin shije melodive që interpretojnë. E fuqizojnë orkestrën dhe zgjojnë emocione për dëgjuesin.
E zgjodhëm këtë foto të këtyre dy mjeshtërve të interpretimit në fisharmonikë dhe violinë për të kujtuar atë periudhën e lavdishme të shoqërisë muzikore Hajdar Dushi.
Ata edhe në këtë moshë janë të palodhshëm, të vyeshëm dhe të dashur për adhuruesit e muzikës popullore shqipe. (gjakovapress.info)
