NË GJAKOVË MBI 105 MIJË VAKSINA TË ADMINISTRUARA

Procesi i vaksinimit në komunën e Gjakovës po rrjedhë normalisht. Deri me sot në Qendrën e vaksinimit janë administruar gjithsejtë 105 mijë e 439  vaksina. Me vaksinën e parë janë imunizuar mbi 51 mijë persona, ndërsa me të dytën mbi 47 mijë. Apeleve të Institucioneve shëndetësore për të marrë vaksinën e tretë, në komunën e Gjakovës deri me sot i janë përgjigjur 6 mijë e 875 qytetarë.

Në Qendrën Kryesore të Mjekësisë Familjare, tek objekti i ri po jepen edhe vaksinat kundër gripit sezonal. Deri me sot me këtë vaksinë janë imunizuar 3 mijë e 738 persona.

Me përhapjen e pandemisë Covid javëve të fundit, u rrit numri i pacientëve që kërkuan të bëjnë testet e shpejta  për të verifikuar prezencën e këtij virusi. Zyrtarë të QKMF-së në Gjakovë kanë thënë se deri me sot janë bërë 12 mijë e 328 teste, prej të cilëve pozitiv me Covid kanë dalë 1 mijë e 820, apo 14.76 %. Testet rapide po bëhen në objektin e vjetër të QKMF-së në afërsitë Kullës së Sahatit.