Friday, March 29, 2024
Gjakova PresssSporti

Në start Vëllaznimi-KEK-u dhe Luftëtari-Ferizaj

Dy skuadrat nga Gjakova anëtare të Ligës së parë Futbollistike të Kosovës, Vëllaznimi, që zbriti nga superliga dhe Luftëtari i Brekocit, anëtari ri, me 29 gusht , kampionatin do ta hapin para tifozerisë së vet. Vëllaznimi luan me KEK-un ndërsa Luftëtari pret Ferizajin.

shortiNë Shtëpinë e Sporteve në Prishtinë, në praninë e përfaqësuesve të klubeve të Raiffeisen Superligës dhe të Ligës së Parë të Kosovës u bë tërheqja e shortit për kampionatin e ri 2015/2016. Të pranishmit duke ju dëshiruar suksese në edicionin e ri i përshëndeti sekretari i FFK-së Eroll Salihu, i cili theksoi se me tërheqjen e shortit po ndjekin praktikat e federatave evropiane që kjo të bëhet para fillimit të garave. Po ashtu sekretari Salihu theksoi rëndësinë e madhe që do të ketë ky kampionat aq më parë që FFK-ja pritet në vitin 2016 të jetë pjesë e institucioneve ndërkombëtare. Prandaj duhet të gjithë të përgatitemi sa mirë konform standardeve ndërkombëtare, e kjo kërkon angazhimin e të gjithëve dhe së këndejmi FFK-ja do të angazhohet që të organizojë seminare dhe trajnime për zyrtarë të klubeve. Ai foli edhe për obligimet dhe përfitimet që do të kenë klubet pas pranimit, duke vënë theksin edhe për sfidat që do të kenë klubet. Po ashtu sekretari Salihu u bëri thirrje klubeve që pa vonesë të nisin përgatitjet për edicionin e ri dhe se afati për licencimin e klubeve është 15 gushti. Në fund Salihu ka uruar një kampionat dhe garë të mirëfilltë sportive, ku do të mbizotërojë rivaliteti dhe fryma sportive ndërmjet skuadrave.

Liga e Parë : Java e 1-rë
Vëllaznimi – KEK-u
Ballkani – Vllaznia (P)
Fushë Kosova – Kosova (P)
Ramiz Sadiku – Vitia
2 Korriku – Behari
Trepça – Flamurtari
Luftëtari – Ferizaj
Rahoveci – Dukagjini