Saturday, April 6, 2024
Lajme

Nga 13 marsi e deri më sot në Gjakovë 611 persona të infektuar, shkalla e vdekshmërisë 7.1 %

Në komunën e Gjakovës, nga 13 marsi,  kur u paraqiten rastet e para e deri me sot janë të infektuar me covid 19, gjithsejt 611 persona. Vetëm gjatë ditës së sotme janë konfirmuar 5 raste të reja në qytet.

Numri i rasteve të vdekjeve nga Covid 19, në komunën e Gjakovës  deri me sot ka arritur në 43.  Kjo i bie që nga numri i përgjithshëm i të vdekurve, në nivel vendi, që është  635 apo 4%, nga komuna e Gjakoves janë 7.1%. Kjo shkallë e lartë e vdekshmërisë është  paraqitur ngase ka pasur numer të vogël të të testuarve, pra ka pasur shumë më tepër të dyshuar për covid 19 e që nuk janë testuar. Pra, kur ka numër më të madh të infektuave,  edhe përqindja e vdekjeve bjen. Edhe në komunat e regjionit të komunës sonë vdekshmeria nga Covid është e lartë:  në Rahovec 10.19 % dhe në Malishevë me 8.95 %. Ndryshe gjatë 24 orëve të fundit në Spitalin Rajonal “Isa Grezda”, janë hospitalizuar 16 pacientë e prej tyre 7 pacient janë të konfirmuar me  Covid pozitiv.  Aktualisht në këte qendër spitalore , 9 pacientë  presin rezultate nga testimi dhe  9 pacientë  të tjerë ndodhën me oksigjeno terapi, 1 në respirator si dhe 1 pacient ne CPAP maskë.

Leave a Reply

Your email address will not be published. Required fields are marked *