Wednesday, April 3, 2024
AktualeSporti

Ngjarjet sportive në fundjavë

Këtë fundjavë vazhdojnë garat për pikë në superligën e futbollit të Kosovës, ku skuadra Vëllaznimi  do përballet me Dritën e Gjilanit. Edhepse të gjitha ndeshjet deri në fund të kampionatit janë të rëndësishme, kjo me Dritën ka një peshë të veçantë për të dalë nga kriza e humbjeve të njëpasnjëshme. Një fitore dhe tre pikë të reja  me këtë skuadër do të kthente vetëbesimin tek futbollistët për sfidën e quajtur mbijetesë në ligë. Ndeshja Vëllaznimi –Drita luhet nesër me fillim prej orës 15.00 në stadiumin e qytetit në Gjakovë, ku kanë filluar të kryhen punime rreth ndërtimit të rrethojave të reja të fushës.

 

Këtë mesjavë u zhvillua ndeshja e xhirosë së 19-të e superligës së hendbollit kosovar. Hendbollistët e Vëllaznimit,  në cilësinë e nikoqirit,  luajtën dje  në Junik me Trepçën e Mitrovicës dhe  pas një kohe të gjatë tw garave  shënuan fitore 35:28. Në anën tjetër Vëllaznimi ka zhvilluar ditë më parë edhe ndeshjen e mbetur kampionale me Deçanin dhe ka barazuar 35:35.

Nesër zhvillohet edhe ndeshja e fundit e kësaj pjese të kampionatit të superligës së futsallit të Kosovës. Liburni i Gjakovws , kampiona aktual,   në sallën e sporteve në Junik përballet me Bresalcin. Pas kësaj ndeshje vazhdojnë garat e plej-ofit.

Futbollistët e moshës 11 dhe 13 vjeçare të klubit të futbollit Gjakova kanë zhvilluar dje në fushën e futbollit në Novosellë, ndeshje miqësore me moshatarët e vet nga Ferizaji. Në të dy konkurrencat gjakovarët kanë shënuar fitore të thella 25 me 1 , përkatësisht 27 me 2.

Ndeshja kmapionale e javës së 25-të të BKT superligës së Basketbollit kosovar në mes të vëllaznimit dhe Kosovës së Vishtrisë e planifikuar të zhvillohet mbrëmë, është shtyer për një termin tjetër.