Agjencia e Shteteve të Bashkuara për Zhvillim Ndërkombëtar USAID-i sivjet feston 15 vjetorin e prezencës ne Kosove, ndërsa aktivitetet e shënimit te këtij përvjetori, kanë filluar të mërkurën pikërisht në qytetin e Gjakovës që pësoi më së shumti gjatë luftës në Kosovë e ku ndihma e USAID-it nga vitit 1999 ishte mjaftë e madhe.
Si u tha me këtë rast USAID-I ishte mbështetës I rëndësishëm I rindërtimit të Kosovës duke filluar në ndërtimin e infrastrukturës, ekonomisë dhe të demokracisë. Për këto 15 vite USAID, duke I falënderuar taksapaguesve të popullit amerikan ka ndarë rreth 800 milion euro për Kosovën, ndërsa vetëm në komunën e Gjakovës ka mbështetur me 2.5 milion dollar.
Në këtë solemnitet ishte prezent edhe presidentja e Kosovës Atifete Jahjaga. I gjithë manifestimi I hapjes solemne të këtij aktiviteti kaloi në shenjë të folëseve gra, madje edhe drejtuesja e manifestimit. Ky ishte një rast i rrallë kur një ngjarje e rëndësishme të kaloi në shenjë të grave të fuqishme. Ishte Zëvendësja e Shefit të Misionit në Kosovë pranë Ambasadës së Sh.B.A. në Prishtinë, Jennifer Bachus pastaj drejtoresha e Misionit të USAID-it, Maureen A. Shauket, si dhe kryetarja e Gjakovës, Mimoza Kusari-Lila të cilat vlerësuan si mjaftë të suksesshme mbështetjen e USAID-it për këto 15 vite.
“Është kënaqësi e veçantë për mua që të flas në qytetin tim Gjakovën, qytet që ka dhënë Presidenten e parë grua, si dhe kryetaren e parë grua të komunës së Gjakovës. Kam nderin t’ju drejtohem në shënimin e përvjetorit të pesëmbëdhjetë të themelimit të misionit të USAID në Kosovë, përvjetor ky që mbart një rëndësi të veçantë për të gjithë qytetarët e vendit tim. Pesëmbëdhjetë vite më parë, përfundoi një ndër luftërat më të përgjakshme që kishte parë Evropa e shekullit të 20-të duke lënë pas shkatërrim, vuajtje e humbje” tha në fillim presidentja Jahjaga.
Pasi tha se pesëmbëdhjetë vite më parë, kur vargu i gjatë i qindra mijëra refugjatëve, po ktheheshin në Kosovë, në shtëpitë e tyre për ti gjetur ato tërësisht të rrënuara, por me shpresën dhe përkushtimin për të hapur kapitullin e paqes që do garantonte një të ardhme më të mirë, më të sigurt jo vetëm për ta, për qytetarët e Kosovës, por për të gjithë Rajonin, Jahjaga theksoi se USAID ndër vite ishte dhe vazhdon të jetë një mik i qytetarëve të Kosovës, partner i institucioneve të saj, i sektorit privat dhe shoqërisë civile, i udhëhequr nga synimi për të ofruar mbështetje për vendosjen e bazës së sigurt të një shteti që ofron dhe garanton zhvillim, mirëqenie e siguri.
“Me anë të programeve të shumta, USAID ju është përgjigjur në çdo hap nevojave të shoqërisë tonë, duke na qëndruar pranë në çdo fazë të shtetndërtimit tonë, të konsolidimit të demokracisë sonë, të ndërtimit të një tregu të lirë dhe ofrimit të mundësive për gjithsecilin pavarësisht etnisë apo gjinisë”, tha presidentja Jahjaga.
Drejtoresha e USAID-it Mauren Shauket, ka vlerësuar si mjaftë të suksesshëm misionin dhe rezultatet e arritura të USAID-it në Kosovës dhe bashkëpunimin me qytetarët dhe institucionet lokale e vendore
“ Ne tani duke folur për periudhën e shkuar duhet që të shikojmë në të ardhmen , duke shpalosur strategji të reja dhe duke hartuar edhe projekte në dobi të Kosovës dhe qytetarëve të saj”, ka thënë në mes tjerash Shauket.
Ndërkohë, zv/drejtoresha e USAID-it Bakus, ka theksuar në këtë rast se USAID-I është dhe do të mbetët pjesë vitale e mbështetjes së popullit të Kosovës, dhe forcë shtyse e ndërtimin dhe fuqizimin e institucioneve të këtij vendi.
Kryetarja e Komunës Mimoza Kusari-Lila, në këtë përvjetor ka vlerësuar lartë rolin dhe veprimtarin e USAID-it për këto 15 vite të shkuara.
“ Ky mision për popullin e Gjakovës dhe të Kosovës, menjëherë pas luftës ishte mision i shenjët. Veçmas për qytetarët e Gjakovës, ku pas shkatërrimeve dhe pasojave të luftës, USAID-I, menjëherë filloj realizimin e projekteve, sikur që filloj me realizimin e projektit për Çarshinë e Madhe e cila e tëra ishte e djegur dhe shkatërruar”, ka veçuar në fjalën e saj mbështetjen e këtij misioni për popullin e Gjakovës.
Pas hapjes solemne, u vizitua ekspozita e programeve që ka mbështetur USAID_i në Kosovë.
Ndryshe në fokus të shënimit të këtij përvjetori sot ishte Programi për Sundimin Efektiv të Ligjit, që u realizua në bashkëpunim me Gjykatën Themelore të Gjakovës. Në ambientet e Gjykatës Themelore u organizua tryezë e rrumbullaket në temën “Ligji dhe Drejtësia: Rolet dhe Partneriteti” .
Më pas iu bë vizitë Qendrës Kulturore në Brekoc si dhe u bë përurimi i Njësisë për Prodhimin e Gjizës nga Shoqata e Grave të Korenicës.