Një copë historie e Tiranës vjen në Gjakovë

Në 100 vjetorin e  shpalljes së Tiranës  kryeqytet i Shqipërisë, të enjten  në Gjakovë ka ndaluar Muzeu Lëvizës i Tiranës, si pjesë e aktiviteteve për shënimin e këtij përvjetori. Kësisoj copëzat e historisë së kryeqytetit shqiptar të vendosura tek një kamion i parkuar në Sheshin te lapidari “Shoket e lirisë” e skaj tij edhe një kënd i veshjeve tradicionale tiranase shoqëruar me muzikën tipike të kryeqendres së Shqipërisë, sollën në Gjakovë atmosferën e Tiranës.

Në organizimin e realizuar nga Unioni i Bashkive Shqiptare dhe nga Komuna e Gjakoves  është theksuar se Muzeu në Lëvizje sjellë Tiranën nëpër kohë, me foto e dokumente autentike të mundësuara nga arkivi i shtetit, që prej nëntorit të vitit 1912 e deri më sot.  Ky muze strehon në miniaturë rrugëtimin dhe kujtesën e një qyteti që përgjatë një shekulli, falë bujarisë dhe trashëgimisë së tij më të mirë, si dhe kontributit të elitave kombëtare, u shndërrua në kryeqytetin e të gjithë shqiptarëve. 

Manifestimin qëndror  e hapi drejtoresha e Unionit të Bashkive dhe komunave shqiptare, Andriola Morina- Kambo. Në anën tjetër, nikoqiri, kryetari i komunës së Gjakovës, Ardian Gjini, ka vequar rendësinë që ka Tirana edhe për banorët e Kosovës.

 “Qytetarët e Gjakovës kanë një lidhje të veçantë me Tiranën dhe Shqipërinë në përgjithësi, prandaj edhe ky organizim nga bashkia e Tiranës është i mirëseardhur për Gjakovën”, ka thënë mes tjerash Gjini.

 Nga ana tjetër, nënkryetarja e bashkisë së Tiranës Anuela Ristani, ka thënë se për shkak të situatës së krijuar si pasojë e pandemisë Covid-19 dhe në pamundësi që qytetarët e Gjakovës ta vizitojnë Tiranën për ta shënuar 100 vjetorin e shpalljes së Tiranës kryeqytet, kanë vendosur që një pjesë të historisë së këtij qyteti ta sjellin në Gjakovë dhe në disa qytete tjera të Kosovës.

Në këte manifestim mori pjesë edhe ambasadori I Shqipërisë në Kosovë, Qemal Mingjozi, I cili ka vequar rendësinë komunikimit  ndërshqipëtarë  në të gjitha sferat e jetës dhe punës.

Hapja solemne e aktivitetit të mbajtur në Gjakovë,  në 100 vjetorin e shpalljes së Tiranës kryeqytet shqiptar, është shoqërua edhe me një program kulturor ku kanë marrë pjesë aktori i shquar Jahja Shehu, Ansambli i këngëve dhe valleve Gjakova e të tjerë. Mysafirët nga Tirana janë njoftuar me të arriturat dhe synimet e Gjakovës, ndërkohë që gjatë ditës kanë vazhduar me  vizita tek   Ura e Terezive,  Kanioni i Drinit,   Ngrohtorja e Re dhe  Lumi Krena.