Një javë plotë veprimtari humanitare të Kryqit të Kuq në Gjakovë

Njëzet familje me gjendje të rëndë ekonomike sociale të Gjakovës, janë ndihmuar sëfundmi nga Kryqi i Kuq i Kosovës dega në Gjakovë me pako ushqimore dhe higjienike. Kjo është bërë e mundshme falë një donacioni  të Gjysmëhënës së Kuqe të Kuvajtit  dhe Komitetit Ndërkombëtar të Gjysmëhënës Islamike. Kryqi i Kuq në Gjakovë në vazhdimësi është duke ju dalë në ndihmë qytetarëve dhe organizatave të ndryshme. Këto ditë edhe 150 pako higjienike janë shpërndarë  për familje si dhe  organizata jo qeveritare që veprojnë në komunën e Gjakovës, si Medica Gjakova, Medica Kosova, Shtëpia e Sigurtë, Handikos, shoqatën e Doën Syndrom si dhe Roma in Action.

Gjatë shpërndarjes së ndihmave drejtues të kryqit të Kuq, me sekretaren fllanza bakija lama vizituan  Shtëpinë e Sigurt , ku nga Drejtoresha Erblina Dinarama u njohëm për së afërmi me punën , sukseset dhe sfidat e punës së Shtëpisë së Sigurtë në Gjakovë.  Gjithashtu kanë vizituar  hapësirat e OJQ Roma in Action ku u bisedua për bashkëpunimin, kujdesin dhe  mbështetjen  për grupet në nevojë në këtë situatë të krijuar nga pandemia COVID-19 . Bakija lama tha se , gjatë kësaj kohe të pandemisë u ndihmuan rreth 600 familje të komuniteteve rom, ashkali dhe egjiptian në Gjakovë.

Zyrtarët e Kryqit të Kuq u zotuan se do të vazhdohet me koordinimin dhe bashkëpunimin si dhe do shikohen mundësitë, që të mbulohen  me material ushqimor, higjenik e materiale tjera nevojtarët e kryesisht personat/ familjet e komuniteteve në komunën tonë.