Tuesday, June 4, 2024
Lajme

Një vit i suksesshëm i Kryqit të kuq në Gjakovë

Kryqi i Kuq i Kosovës-Dega Gjakovë,  të enjten,   në  një takim pune  me Partner lokal,  e ka prezantuar punën dhe aktivitetet e veta  për periudhën Janar- Dhjetor 2019. Edhe me këtë rast u theksua puna dhe angazhimi i madh i vullnetarëve të Kryqit të Kuq për të qenë pranë familjeve skamnore me ndihma ushqimore dhe veshmbathje. Kjo periudhë e punës nga kryetarja e  kryqit të Kuq të Gjakovës, dr. Arta Koshi Hasimja u vlerësua si mjaft e suksesshme pos në programin e mirëqenies sociale, ku janë ndihmuar qindra familje skamnore,  duke iu ofruar ndihma në ushqime dhe veshmbathje, edhe në programin e ndihmës së parë, të edukimit shëndetësor në familje e tjera. Kjo ka bërë që Kryqi Kuq në Gjakovë të shpallet si dega më e suksesshme në Kosovë. Vullnetari, Andi Bardhi prezantoi hollësisht me fjalë e fotografi, gjitha aktivitetet që ka zhvilluar Kryqi Kuq i Gjakovës.

Ndërkaq,  sipas sekretares Fllanza  Bakija  Lama, ky sukses është arritur në saje të solidaritetit të qytetarëve të Gjakovës, bizneseve, mijëra  anëtarëve të rregullt të Kryqit të Kuq në Gjakovë dhe të mbi 200 vullnetarëve. Solidaritet i gjakovarëve u tregua edhe  pas goditjes së tërmetit në Shqipëri, ku Gjakova hapi dyert dhe zemrën për të goditurit duke u ofruar strehim, ushqim dhe veshmbathje. Kryqi Kuq në Gjakovë sot, ndau edhe mirënjohje për gjithë ata që kanë kontribuar në arritjet e projekteve të kësaj organizate humanitare. Mes tyre me mirënjohje u nderua edhe Revista Gjakovapress dhe Radio Gjakova.

Leave a Reply

Your email address will not be published. Required fields are marked *