Padrejtësitë në ndarjen e drejtësisë bëjnë që FC Liburni të pezulloi aktivitetin

Klubi më i suksesshëm I futsallit kosovar FC Liburni nga Gjakova  ka vendosur që të pezullojë përkohësisht aktivitetet sportive. Klubi gjakovar ka hedhur akuza në drejtim të Komisionit të Futsallit të Federatës së Futbollit të Kosovës, teksa në njoftim thuhet se vendimi do të mbetet i pandryshuar derisa shtëpia e futbollit kosovar të reflektojë dhe të marrë masa ndaj komisionit në fjalë.

Nga klubi i Liburnit pretendohet se gjyqtarët e caktuar për ndarjen e drejtësisë kanë ndikuar direkt që klubi të mos kurorëzohet me titull kampioni. Klubi ka përmendur gjyqtarët, Besar Beqiri dhe Besart Ismajli, si dhe vëzhguesin Betim Sylejmani.

Te klubi më i trofeshëm në futsallin e Kosovës kanë mbetur të zhgënjyer edhe me presidentin e FFK-së, Agim Ademi, për të cilin thonë se nuk e ka mbajtur premtimin që do të jetë afër klubeve që investojnë.

FC Liburni zbuloi se edhe pse më 17 qershor janë takuar me Ademin, si dhe kanë dërguar ankesën e tyre, deri më sot nuk kanë marrë asnjë përgjigje.

Njoftimi i plotë nga FC Liburni (pa ndërhyrje):

“-Kryesia e klubit FC.Liburn – Gjakovë në mbledhjen e rregullt të mbajtur me datë 02.08.2022 shqyrtoi gjithë ecurinë e klubit në kampionatin e Kosovës në futsal për vitin 2021-22 dhe duke qenë shumë të indinjuar me ngjarjet të cilat klubit po ju përsëriten sikur edhe dy vitet e kaluara mori vendim që:

“Të pezullojë përkohësisht të gjithë aktivitetin e tij sportiv” deri në një vendim tjetër për të cilin do njoftoheni me kohë:

Të nderuar sportdashës ka kohë që FC.Liburn ka filluar ti pengoj Komisionit të Futsalit të FFK-së,komision rajonal me shumicën e anëtarëve,komisarëve dhe referëve të cilët kanë filluar që rrjedhen normale të kampionatit ta drejtojnë qysh ju shkon për qejfi ose ndoshta se si urdhërohen nga dikush tjetër.Ne si klub posedojmë fakte të mjaftueshme se si ky komision përmes njerëzve të besuar të tyre si:Vezhguesi Betim Sylejmani dhe referët Besar Beqiri dhe Besart Ismajli në tri vitet e fundit përmes veprimeve të tyre direkte dhe indirekte kanë ndikuar që FC.Liburn edhe përkundër të gjitha përpjekjeve sportive mos të arrijë deri te titulli kampion.Shtrohet pyetja pse ky Komision nuk i merr parasysh kërkesat legjitime të klubeve të futsalit rreth ngjarjeve dhe padrejtësive që ndodhën vitet e kaluara nga referët dhe vezhguesi i lartëcekur por delegojnë qëllimisht të njejtët të kryejnë detyrat që ju caktohen. Pse ky komision nuk rekruton dhe avanson referë të rinjë në futsal por patjetër duhet Besar Beqiri dhe Besart Ismajli të jenë akterët kryesor tash e dhjetë vite (të njejtit delegohen nga dy-tri herë në javë,çdo vit këta referë delegohen në derbi në lojëra të rëndësishmë si gjysmëfinale dhe finale të Kupes së Kosovës dhe Play-Off-it dhe në shumtën e rasteve janë protagonist kryesorë. A thua me të vertetë Komisioni nuk mund ti gjej disa referë të rinjë apo nuk dëshiron)?!!! Nëse dikuj nga Komiteti Ekzekutiv i FFK-së i intereson vërtetësia e pakënaqësis së klubit tonë rreth individëve të lartëcekur e ka shumë të lehtë ti vërtetoj këto të dhëna.

Si klubi më suksesshëm, më i trofeshëm dhe klubi më vjetër në futsalin kosovar i cili po i pezullon të gjitha aktivitetet sportive dëshirojmë ta dijmë se ku mbeten premtimet e kryetarit të FFK-së Zt.Agim Ademi i cili ka premtuar se do të jetë afër klubeve qe investojnë në futboll dhe do ti përkrahë parezervë në nevojat e tyre. Pse kryetari Zt.Agim Ademi po i anashkalon klubet që investojnë dhe nuk merret seriozisht me njerëz që paguhen me paga dhe meditje të rregullta nga FFK-ja.Edhe përkundër takimit që kishim me kryetarin e FFK-sëme datë 17.06.2022 dhe Ankesës sonë të dërguar dhe protokoluar në FFK me datë 29.06.2022 me nr të Ref:108811,ne nuk morëm asnjë përgjigje deri me sot.

Të nderuar sportdashës ju njoftojmë se deri sa FFK-ja nuk reflekton me këtë komison të futsalit dhe nuk merr masa ne si klub nuk do jemi pjesë e garave të rregullta të kampionatit të Kosovës pasi nuk dëshirojmë të jemi viktima të lojërave të pista të tyre.Ju premtojmë se do jemi gati të kthehemi në çdo kohë nëse kërkesat tona legjitime do kenë vëmendjen e FFK-së.

Në fund FC.Liburn ju njofton se do jetë korrekt ndaj lojtarëve,stafit teknik, sponsorëve dhe bashkë punëtorëve profesional të klubit në të gjitha marrëveshjet dhe kontratat që kemi. Po ashtu gjitha obligimet ndaj FFK-së dhe institucioneve tjera do kryhen me kohë sipas procedurave.

FFK reflekto duke i ruajtur klubet dhe mos i largo investitorët”.