Kompania e pajisjeve kundër zjarrit “Tekniku” në Gjakovë dhe Weber Hydraulik nga Gjermania në bashkëpunim me Agjencionin per Menaxhim Emergjent të Kosovës të enjten në Brigadën e Zjarrfikësve dhe hotelin Metropol, në Gjakovë organizuan seminarin njëditor për rëndësinë dhe përdorimin e mjeteve hidraulike të shpëtimit në rastet e aksidenteve në komunikacion dhe tërmeteve e fatkeqësive tjera natyrore.
Pjesëmarrësi në këtë seminar, sipas Visar Llukes, menaxher i Teknik-ut, pos anës praktike kanë pasur mundësi që edhe praktikisht të shohin funksionimin e pajisjeve hidraulike të shpëtimit.
‘Ideja e këtij trajnimi erdhi duke parë nevojën për aplikimin e metodave bashkëkohore për intervenime në raste të fatkeqësive. Ftuam ekspert gjerman të kësaj fushe për të demonstruar praktikisht para zjarrfikësve dhe pjesëmarrësve tjerë, veprimin e këtyre pajisjeve’ tha Lluka duke falënderuar edhe komunën e Gjakovës dhe Axhencionin për Menaxhim Emergjent të Kosovës për organizimin e këtij trajnimi në hotelin Metropol dhe Brigaden e Zjarrfikësve të Gjakovës.
Ky aktivitet I përkrahur edhe nga komuna e Gjakovës, organizohet për herë të parë si mbështetje për të gjitha njësitet tjera të zjarrfikësve të Kosovës, të cilat çdo ditë e më shumë po përballen me problemet e shpëtimit të të aksidentuarve në komunikacion.
Pashtrik Xërxa komandant I Brigadës së Zjarrfikësve të Gjakovës I vlerëson lartë këto trajnime aq më tepër kur bëhet fjalë për pajisjet më të avancuara në botë, sa I takon ndërhyrjeve të shpejta në raste të aksidenteve, zjarreve e tjerë.
‘ Këto pajisje janë tjet të domosdoshme dhe si të thuash janë ‘dora e djathtë’ për zjarrfikësit sepse janë fjala e fundit e teknikës për të shpëtuar jetëra njerëzish në raste të fatkeqësive elementare’ tha Xërxa.
(z.v)
