Gjakova të martën në mëngjes ka qenë më e gjallëruar, sepse rreth 22 mijë e 500 nxënës të komunës të përfshirë në arsimin fillorë dhe të mesëm, pas pushimeve 17 ditëshe dimërore ia kanë mësyrë objekteve të tyre shkollore për të vazhduar mësimet në gjysëmvjetorin e dytë të këtij viti shkollor.
Ora e parë mësimore ka kaluar pothuajse në shenjë të bashkëbisedimeve rreth kalimit të festive të fundvitit dhe dëshirave për një angazhim të ri në procesin edukativo arsimor, ngase gjysmëvjetori I dytë kërkon punë më serioze.
Në orën 8.00 u gjendem në Shkollën e Mesme Ekonomike “Kadri Kusari” ku mësimet I vijojnë rreth 1.350 nxënës të drejtimeve ekonomike, juridike e tj. dhe pamë një vijueshmëri të kënaqshme që në orën e parë. Nxënësit kishin uniformën shkollore,ndërsa në korridore mbretëronte një rregull dhe sisciplinë.
Drejtori Sinan Hajdari, tha se niveli I suksesit në mësime kishte shënuar rritje për 1 % në pjesën e parë karshi një periudhe të njejtë të vitit të kaluar, ndërsa synim mbetet ngritja e shkallës së suksesit dhe zvogëlimi I mungesave të paarsyeshme. Sa I takon Ngrohjes së ambienteve ato ishin në nivel dhe se ngrohja në këtë shkollë është vetanake.
Zyrtarë të arsimit thanë se janë bërë gjitha përgatitjet dhe mësimi ka filluar normalisht dhe pa ngecje në të gjitha objektet shkollore. Po ashtu është bërë e ditur se ngrohja është siguruar në të gjitha shkollat dhe ekzistojnë parakushte solide për një ecuri të mbarë të vazhdimit të vitit shkollorë.
Ndryshe rreth 16 mijë nxënës të shkollave nëntëvjeçare, mësimet në këtë pjesë i nisin me një sukses solid prej rreth 85% pozitiv të arritur në gjysëmvjetorin e pare. Ndërkaq, shkollarët e mesëm, mësimet në këtë gjysemvjetor i filluan me ambicie për ta përmirësuar suksesin e gjysëmvjetorit të parë i cili ishte vetëm rreth 40% pozitiv.
Edhepse ishte paralajmëruar se gjimnazistet do te nisin mësimet në objektin e ri, kjo nuk ndodhi. Zyrtarët e kësaj shkolle thanë se këtë do ta bëjnë brenda disa ditësh.
