Sunday, April 28, 2024
Lajme

Për Diasporën: Që ta keni Gjakovën pranë, kontribuoni dhe ndihmojeni Radio Gjakovën në 43 vjetorin e fillimit të punës

Radio-Gjakova të mërkuren  shënon 43 vjetorin e fillimit  të punës dhe veprimtarisë së suksesshme. Pikërisht më 9 Nëntor të vitit 1979, Radio Gjakova si medium i parë lokal i informimit në komunë, filloi me realizimin e misionit të informimit të qytetarëve për rrjedhat aktuale, duke u bërë njëkohësisht misionare e afirmimit të vlerave të shumta të traditës kulturore të kësaj treve. Që nga ajo ditë, Radio Gjakova pasqyroi në mënyrë të denjë dhe të besueshme realitetin i ngjarjeve dhe zhvillimeve aktuale në komunë.

Përmes valëve të sajë, të cilat u bënë ushqim i përditshëm shpirtërorë i mijëra dëgjuesve, u transmetuan qindra e qindra emisione zhanresh të ndryshme duke filluar nga emisionet argëtuese muzikore e deri tek ato dokumentare, përmes të cilave u shënuan ngjarjet më të rëndësishme të historisë së bujshme të kësaj treve. Këtë mision Radio Gjakova, anipse me sfida jashtëzakonisht të mëdha,  po e vazhdon edhe më tej duke synuar ta qojë ende më përpara zhvillimin e saj të përgjithshëm programor. Viteve të fundit Radio Gjakova po ballafaqohet me probleme jashtëzakonisht të mëdha financiare, që po reflektohen edhe në punën

e përditshme me mangësi të pajisjeve adekuate studike dhe transmetuese.

“Ashtu siç e kemi ndarë suksesin dhe vështirësitë me dëgjuesit tanë besnik, edhe në këtë përvjetor  do ta ndajmë edhe këtë hallin e madh të ekzistencës së kësaj shtëpie unike radiofonike në vend, duke kërkuar mbështetjen financiare. “Zëri i Radio Gjakovës, është zëri juaj , ndajë ta” fuqizojmë këtë bashkërisht. Ky është mesazhi i shtëpisë sonë në 43 vjetorin e fillimit të punës”, thuhet në mesazhin e Radio Gjakovës.

Ditëlindja e Radio Gjakovës do të shënohet me një program të larmishëm që fillon nga ora 7.00 në mëngjes e zgjatë deri pas mesnate. Këtë herë ky program festiv vjen me ftesën për mbështetje financiare për rimëkembjen e Radio Gjakovës. Kjo radio ka publikuar në faqen e saj zyrtare të Facebook xhirollogaritë ku mundë të realizohen donacionet.

Leave a Reply

Your email address will not be published. Required fields are marked *