Radio Gjakova në mënyrë solemne të premten në mbrëmje (21.Nëntor 2014) e ka shënuar 35 vjetorin e fillimit të punës dhe 10 vjetorin e Festivalit të radiove Radiofest, duke mbledhur në Gjakovë përfaqësues të shumë radiostacioneve nga Kosova , Shqipëria dhe Maqedonia. Me këtë rast u shpallen edhe radiot fituese të festivalit të sivjetmë jubilar. Për radioreportazhë vendi parë i takoit Radio Albës nga Klina për reportazhin “Zejet që po zhduken” me autor Agron Bojaj, për raport radiofonik Radio Drenicës me autorin Jeton Rushiti dhe në konkurrencën e spoteve publicitare vendi parë i ka takuar Radio Klea nga Elbasani.
Juria ka ndarë edhe çmimet për ide më të mirë që i ka takuar Radio Kukësit ndërsa për tekst më të mirë Radio Ylberit për reportazhin “Lumi Ibër” me autore Elfije Boletini. Zëri më i mirë i ka takuar Francika Currit, nga Radio Gjakova.
Në manifestimin e mbrëmshëm për punën e palodhshme e të suksesshme të punonjësve të radio Gjakovës foli kryetarja e komunës Mimoza Kusari Lila ndërsa për rrugëtimin 35 vjecar dhe jubileun e Radiofestit foli Skender Gola drejtor i Radio Gjakovës.
Në Pallatin e kulturës ku u mbajt ky manifestim u shfaq edhe një program i pasur kulturo artistik ku mori pjesë Kori shkollës së muzikës Prenk Jakova, Ismet Peja, grupi Art Dizajn, Gentian Gojani dhe Ardian Këpuska, Edi Ermeni, Vlona Boshnjaku e tjerë.
