Muaji mars ne komunen e Gjakoves është i mbushur me data historike. Në fshatin Goden të Gjakovës, të marten janë përkujtuar 20 dëshmorë të cilët ranë për lirinië me 25 mars të vitit 1999.
Në një tubim të organizuar nën patronatin e kryetares së komunës Mimoza Kusari-Lila, morën pjesë edhe përfaqësues të institucioneve vendore, ish-pjesëtarë të UÇK-së, qytetarë nga vise të ndryshme të Kosovës e Shqipërisë, përfaqësues të religjionit dhe familjar të dëshmorëve.
“Idealet dhe përkushtimi që mishërohet dhe bashkëjeton me sakrificën nuk ka kuptim tjetër përpos asaj që ne jemi këtu, ishim dhe do vazhdojmë të jemi”, ka thënë Kusari-Lila, teksa ka shtuar se ky varr ka vetëm një simbolikë dhe vetëm një emërim që përkufizohet me përfundimin e një vargu shumë të çmueshëm poetik që në mesë rreshtash ka sjell edhe lirinë.
“Të rënët, që ne sot me dhembje të thellë i kujtojmë kishin idealin e qartë dhe porosia e tyre ndaj nesh gjithmonë ishte që mos të hakmerremi por të kërkojmë drejtësinë, sepse ajo drejtësi nuk përkufizon jetët tona, por jetët e gjithë të rënëve dhe të mbijetuarve”, citohet Kusari –Lila në një komunikatë për shtyp të lëshuar nga Komuna e Gjakovës.
Aty janë kujtuar të rënët Januz Morina, Ram, Hysen, Binak dhe Islam Feraj, Valdet,Vesel e Blerim Morina, Shaban,Neshat, Feraj, Metush Morina, Sali Osmanaj, Bedri Osmanaj, Hamez Osmanaj, Mehmet Osmanaj, Bashkim Osmanaj, Bedri dhe Faiok Osmanaj.
Në emër të fshatit Goden dhe familjarëve e të rënëve ka folur edhe Xhevdet Morina. Ai ka thënë se djemtë dhe burrat e Godenit e dhanë më të shtrenjtën për lirin e Kosovës, dhe ne jemi obligues që të ndërtojmë të ardhmen e këtij fshati.
