Po mbillen hektarët e fundit

Rreth 6 mijë hektarë me misër, perime dhe kultura tjera bujqësore janë mbjellë në territorin e komunës së Gjakovës, ndërkohë që kanë mbetur ende pa u mbjellë hektarët e fundit, kryesisht nëpër sipërfaqe kodrinore dhe aty ku ka pasur lagështi të grumbulluar nga reshjet e shiut. Fushatën e sivjetme pranverore e kanë përcjellë vështirësi të mëdha, pikërisht për shkak të kushteve të pafavorshme klimatike, sepse kishte reshje shiu të pandërprera, breshër dhe stuhi. Megjithëkëtë shpresohet se mbjellja është kryer në afatin që nuk rrezikon bereqetin.