Po shkrihet bora, Krena po rritet

Bora po shkrihet, po bien edhe shi dhe të dyja bashkë po stërmbushin lumenjtë e përroskat e Gjakovës. Lumi gjarpëror, që kalon përmidis qytetit, Krena,  të dielën në mëngjes ka hyrë brenda shtratit duke puthitur buzët e nivelit më të lartë! Kjo nga fakti se reshje shiu këtë mëngjes  nuk ka dhe ka ngelur edhe pak borë sa të shkrihet e tëra. Kjo foto është shkrepur tek Shkolla e Muzikës. Tash kur është qetësuar lumi, na shkon mendja tek vera e thatë. Themi: Po të kishte ujë kaq në stinën e veres, sa bukur do të ishte! Nuk do të kishte mbeturina që hedhen në lum e as aromën e keqe!