Protestë kunder ardhjes së një grupi të serbëve

Mllefi që kanë nënat gjakovare për humbjen e bijve dhe krimeve që janë  bërë nga kriminelet serb,  gjatë luftes në Kosovë më 1999,  i ka nxjerrë të martën sërish në rrugë në këtë ditë acari për të ndaluar pelegrinët serbë që erdhën këtu për të festuar.

Shoqata “Thirrjet e Nënave” dhe Lëvizja Vetëvendosje kanë penguar autobusin që solli pelegrinët për të mos i lejuar të hynin në kishën ortodokse me rastin e Krishtlindjeve, për faktin se siç thanë ata, mes tyre ka edhe kriminel lufte.

Por policia thotë se pelegrinët nuk hynë në kishë për shkak të akullit dhe ngricave. Gjatë protestës janë arrestuar dy aktivistë të “Vetëvendosjes”, të cilët kanë goditur autobusin me copa akulli.

Për arrestimin e tyre ka reaguar kjo lëvizje, e cila thotë se aktivistët Ngadhënjim Haxhosaj dhe Gerold Nikoliqi janë goditur gjatë arrestimit dhe më pas edhe në Stacionin e Policisë.

Edhe vitin e kaluar pelegrinët u kthyen mbrapsht pa kryer ritet fetare në këtë kishë, pasi qytetarët e mbledhur në protestë kundërshtonin disa persona që mendonin se kanë gisht në krimet e luftës të kryera në Gjakovë