Wednesday, June 5, 2024
AktualeLajme

PSHDK-ja përmbylli fushatën në Gjakovë

PSHDK-ja ka përmbyllur fushatën zgjedhorej, në Gjakovë ku edhe është themeluar si subjekt partiak në nivel qendror, me ç’rast është përshkruar rrugëtimi partiak për një Kosovë të pavarur dhe evropiane.

Ukë Berisha, kryetar i PSHDK-së e ka cilësuar Gjakovën si çerdhe e fuqishme ku kanë lulëzuar idealet ndërsa për PSHDK-në si subjekt politik dhe për lëvizjet e përgjithshme kombëtare në Kosovë ka pohuar se “ historia e Kosovës është histori me identitetin evropian, e jo aziatik”.

pshdk1Lideri demokristian nuk ka lënë pa kritikuar edhe qeverinë qendrore duke konkluduar se për shkak të politikave të keqqeverisjes është shtuar migrimi ilegal dhe me rrezikshmëri të lartë. Duke bërë thirrje që me datë 3 nëntor të votohet PSHDK-ja, Ukë Berisha ka apeluar se “ me këto vota keni votuar vehten dhe identitetin tuaj, keni votuar për kulturën dhe zhvillimin ekonomik”.

Fjalën e tij, Berisha e ka përmbyllur me marrëdhëniet me partitë simotra evropiane, të cilat i ka vlerësuar si shumë të mira dhe se me fitoren e Markelit janë pikërisht demokristianët që qeverisin me Evropën.

Janez Frrokaj, kryetar i Degëve të PSHDK-së në Gjakovë dhe bartës i listës ka folur në retrospektivë për bashkëqeverisjen aktuale duke konstatuar se ishte e sukesesshme dhe në pretnedimet për zgjedhjet e së dielës ka apeluar që të votohet PSHDK-ja për asamble komunale ndërkaq për kryetar të votohet kandidatura e Pal Lekajt nga koalicioni AAK-LDD.

”Gjakova dhe Kosova janë vend të vlerave kombëtare dhe evropiane dhe thirrjet për ndërrim kursi janë të rrezikshmen dhe nuk duhet pranuar koalicione imagjinare. Kosova nuk është tokë e askujt, nuk është as e serbëve dhe as e turqëve, por ishim të parët ne, zot të kësaj toke” ka thënë Frrokaj