Wednesday, April 24, 2024
Sporti

Roni Koshi përforcim i KB Vëllaznimi

Basketbollisti  Roni Koshi, ish reprezentuesi i kombëtarës së Turqisë për gjeneratat e reja që ishte pjesë e ekipit të parë të Galatasarayt,  është  rikthyer  në klubin e vendlindjes, në klubin e basketbollit Vëllaznimi. Roni disponon cilësi të larta dhe luan në pozitën 2. Djaloshi gjakovar, Roni Koshi,  që mori hapat e parë në Pallatin e sporteve Shani Nushi gjatë vitit të kaluar ka shkëlqyer  në basketbollin turk. Pasi ka pasur një rrugëtim të suksesshëm nga  Gjakova, Prishtina dhe Turqia, duke kaluar garat e grupmoshave të reja ,    Roni ishte edhe pjesë  ekipit të seniorëve në Galatasaray,  me të cilën skuadër  është shpall edhe kampion në kampionatin turk për U18.

Prandaj rikthimi në Vëllaznim  konsiderohet si një përforcim serioz i skuadres kuq e zi në përpjekje për tu bërë anëtare e  superligës së basketbollit të Kosovës.

Krahas KB  Vëllaznimi-t,  Koshi si nën 20 vjeçar gjatë këtij gjysmëstinori do të ketë regjistrim të dyfishtë dhe do të luajë njëkohësisht edhe në superligën e basketbolit të Kosovës  për skuadrën e Bashkimit të Prizrenit.

Leave a Reply

Your email address will not be published. Required fields are marked *