Brenda 24 orëve të fundit janë regjistruar 34 raste te reja, duke e ngritur numrin e të infektuarve nga fillimi i pandemisë në 2 mijë e 784. Gjatë kësaj periudhe janë shëruar 78 pacientë, kurse numri i përgjithshëm i të shëruarve që nga fillimi i pandemisë ka arritur në 2 mijë e 405. Virusit korona gjatë 24 orëve të shkuar nuk i ka mbijetuar një 85 vjeçar duke e ngritur numrin e përgjithshëm në 106.
Aktualisht në komunën e Gjakovës janë 273 raste aktive.
Sipas numrit të të infektuarve Gjakova radhitet pas Prishtinës, Prizrenit dhe Podujevës.
Në anën tjetër në spitalin e përgjithshëm në Gjakovë 61 pacientë po trajtohen për COVID 19. Nga të trajtuarit këtu, 45 pacient janë të konfirmuar pozitiv, 15 negativ, ndërkaq 1 prej tyre është i pakonfirmuar.
Gjendjen më të rënduar nga Covid 19 e kanë 40 pacientë që janë me oksigjeno-terapi, 3 në respirator dhe një me CPAP maskë.
