Klubi Rotarian i Gjakovës, ka shënuar 15 vjetorin e themelimit, jubile ky që njëkohësisht shënon edhe fillimin e aktivitetit rotarian në Kosovë, meqë klubi Rotarian i Gjakovës, është klubi i parë i tillë, i themeluar në Kosovë. Në një ceremoni të organizuar me këtë rast, morën pjesë rotarian nga e tërë Kosova, por nuk munguan as rotarian të ftuar nga Shtetet e Bashkuara të Amerikës. Themeluesi dhe kryetari i parë i klubit Rotarian në Gjakovë, Ruzhdi Bakalli, ka thënë me këtë rast se suksesi i rotarianëve kosovarë është mjaft i madh 15 vjet pas fillimit aktivitetit, sukses i cili as që është imagjinuar 15 vjet më pare, teksa ka shtuar se ai dhe rotarianët kosovar kanë plane dhe synime shumë më të mëdha.
Ndryshe, në këtë takim, rotarianët kanë bërë një rikapitulim të aktivitetit, konkretisht ndihmave që ata kanë siguruar për komunitetin, ndërsa mes tyre kanë pëmendur, paisjet për dializë në Spitalin “Isa Grezda”, dhjetra kamionë për zjarrfikësit e Gjakovës, Deçanit, Junikut, Bajram Currit, dhjetra automabulanca dhe paisje mjeksore për QKMF-në e Gjakovës, qendra kompjuterike për disa shkolla në Gjakovë, sistemin e ngrohjes për institucionin parashkollor “Ganimete Terbeshi” e të tjera.
Paradite në një ceremony rasti u nda Donacioni i rotarianëve te distriktit 7280 Pensilvani, për Shkollën “Kelmend Rizvanolli” në Gjakovë. Me këtë rast, Kryetarja e Komunës së Gjakovës, Mimoza Kusari Lila, ka falenderuar rotarianët dhe ish gurvenatorin Ruzhdi Bakalli për donacionin në vlerë prej 20.000 dollarësh.
Shkolla “Kelmend Rizvanolli” ka 524 nxënës, kurse donacioni i rotarianëve është dedikuar për paisjen e shkollës me laptop, projektor, dollap dhe mjete didaktike.