Shkolla teknike kalon në objektin e ish Gjimnazit

Shkolla e mesme teknike “Nexhmedin Nixha”, nga vitit ri shkollor do të organizoi mësimet në objektin e ish i Gjimnazit “Hajdar Dushi”, pasi hapësirat e veta I ka dhënë në shfrytëzim të Universitetit Publik të Gjakovës. Këtu  po bëhen të gjitha përgatitjet në rregullimin e infrastrukturës . Fillimisht po punohet në ambientin për rreth shkollës e më pas do të behët një renovim gjeneral i ambientit të brendshëm.

Në këtë shkollë të mesme profesionale në këtë vit shkollor 2013-2014, do të veprojnë 12 drejtime të arsimit të mesëm katërvjeçar. Dy prej tyre janë hapur për herë të parë. Kështu, në drejtimin e makinerisë do të veprojnë profesioni operator i prodhimit, automekanik dhe komunikacion rrugor. Ndërsa në drejtimin elektronikë do të veprojnë profesioni mekanika elektronike, informatikë dhe instalues elektrik.  Janë edhe tre drejtime të tjera me këto profesione. Në drejtimin ndërtimtari do të veprojnë profesioni i arkitekturës dhe i gjeodezisë,  ky i fundit për herë të parë pas shumë viteve dhe profesioni ndërtimtarë. Në kuadër të programit të planifikuar arsimor  në këtë vatër mësimore do të veproi edhe drejtimi i tekstilit me profesionin rrobaqepës dhe dizajn për herë të parë. Ndërkohë që në paralelen e ndarë në Ponoshec do veproi edhe drejtimi automekanik.