Tuesday, April 2, 2024
AktualeLajme

Takime me biznesmen gjakovarë dhe nga Holanda e Belgjika

Mimoza biznesetKomuna e Gjakovës në katër vitet e ardhshme vëmendje parësore do ti kushtojë zhvillimit ekonomik, prandaj bashkëpunimi me sektorin e biznesit privat  do të jetë ndër aktivitetet e para të punës tha kryetarja e komunës së Gjakovës, Mimoza Kusari Lila në takimin e parë që bëri të enjten me përfaqësuesit e sektorit privat të Gjakovës.  Me pranverën do të vie komplet pakoja e funksionalizimit të Zonës së lirë ekonomike në Gjakovë që do të jetë shtytëse për eksportuesit gjakovarë, ndërsa kah mesi I vitit të ardhshëm do të funksionalizohet edhe Aeroporti I Gjakovës. Kusari Lila tha se komuna do të shfrytëzojë edhe grandet e ndryshme për zhvillim ekonomik nga Bashkimi Evropian si dhe  ka përmendur bashkëpunimin e ngushtë me USAID-in.

“Një nga prioritet e para, do jetë themelimi i këshillit konsultativ në kuadër të Komunës për bizneset dhe sektorin privat , këshill ky i përbërë nga ekspert të zhvillimit ekonomik dhe përfaqësues të bizneseve. Në fillim të vitit 2014 Gjakova do ta ketë edhe listën e lehtësirave të zonës së lire ekonomike, të cilat do ju mundësojnë edhe juve si biznese të zgjeroni kapacitetet prodhuese dhe tregtuese. Komuna e Gjakovës, do jetë një partner për qeverinë e Kosovës për sigurimin dhe përmirësimin e infrastrukturës së nevojshme për zonën e lirë ekonomike” tha Kusari Lila.

Ajo tha se ky takim është dëshmi për të rikonfirmuar edhe një herë se Kuvendi Komunal , do të jetë aleati kryesor për zhvillimin ekonomik. Ndër hapat e parë do të jetë formimi I Këshillit konsultativ nga ekspertët për zhvillimin e qëndrueshëm  ekonomik, lehtësirat për regjistrim biznesi dhe mundësi tjera që nxisin investimet e reja.

“Kuvendi Komunal nuk punëson por u krijon kushte lehtësuese për të zhvilluar biznesin dhe kështu për të shtuar prodhimin dhe numrin e punëtorëve. Bashkërisht dhe të barabartë pa kurrfarë privilegje mundë të arrijmë shumë”,  u tha Kusari-Lila biznesmenëve gjakovarë duke u premtuar bashkëpunim të vazhdueshëm.

Në anën tjetër përfaqësuesit e biznesit nga sektori privat shpalosen problemet me të cilat bizneset e tyre janë ballafaquar deri me tash, duke filluar nga telashet me furnizimit me energji elektrike, çështjet pronësore juridike, bashkëpunimin me ATK-në , mundësinë e plasimit të produkteve gjakovare në treg e tjera.

Disa nga përfaqësuesit e biznesit gjakovarë  kërkuan që prioritet të kenë ndërmarrjet vendore e pastaj edhe ato që janë të interesuara të investojnë në Gjakovë. Ata këtë kërkesë e bënë për faktin se Gjakova disponon me hapësira të mjaftueshme biznesi dhe ide për rritjen e prodhimit.

Mimoza bizneset holandaNjë takim tjetër me një delegacion të biznesmenëve nga Belgjika dhe Holanda, Kusari Lila e zhvilloi me qëllim të  ofrimit të bashkëpunimit dhe investimeve në komunën e Gjakovës.

“U thashë se Gjakova ka një perspektivë zhvillimore të bizneseve për faktin se do të funskionalizohet Aeroporti dhe Zona e lirë ekonomike. Biznesmenët kanë shprehë interesin për investime në prodhimin e xhamit termik dhe në agrobiznes, përkatësisht në përpunimin e  qumështit dhe të mishit” tha Mimoza duke shtuar se mysafirët kanë vizituar edhe repartet prodhuese të sektorit privat ku mundë të zhvillojnë veprimtarinë e vet.

Përfaqësuesi I kompanisë për prodhimit e xhamit termik Musa Hoti që veprimtarinë e vet e zhvillon në Belgjikë dhe Kosovë, tha se edhe më parë ka qenë në Gjakovë dhe se është I interesuar që të hap repart prodhimi.

“Jemi prodhues të vetëm të xhamit termik dhe synojmë që të hapim një repart prodhimi prej 32 punëtorësh që do të kënaqtë kërkesat për tregun vendor dhe të jashtëm, duke shfrytëzuar afërsinë e portit të Durrësit “ tha Hoti duke kujtuar se një fabrikë të tillë kanë edhe në Drenas.