Sunday, April 7, 2024
AktualeKulturë

Teatri Profesionist premierë “Kolonel Zogu”

Teatri koloneli Zog finPas një pauze të gjatë, Teatri profesionit i Gjakovës rikthehet këtë javë në skenë me premierën “Kolonel zogu” të autorit bullgar Hristo Bojçev, në regji të Erson Zymberit.

Puna për inskenimin e kësaj shfaqjeje ka filluar para më shumë se një muaji, ndërsa, edhe po të fillonim më herët  punën, stinorin e pranverës ne do ta mbyllnim vetëm me këtë premierë”, ka thënë  Edi Kastrati, drejtor i Teatrit profesionist të Gjakovës, duke shtuar se punët në përgatitjen e kësaj shfaqjeje kanë shkuar mjaft mire.

Ai ka bërë të ditur se mbështetjen financiare për realizimin e kësaj premiere e kanë pasur nga Ministria e Kulturës e Kosovës, nga Drejtoria Komunale e Kulturës dhe Kolegji “Universum”.

Regjisori i ri, mysafiri nga Gjilani, Erson Zymberi, i cili për herë të parë është duke punuar me trupën teatrore të Gjakovës per gazeten Kosova sot, ka vleresuar punen perkushtuese te trupes artistike , ndërsa rreth përmbajtjes së shfaqjes ai ka deklaruar:

“Ky tekst, jo vetëm që korrespondon me realitetin kosovar, por mendoj se është shumë i ngjizur me këtë realitet, saqë njeriu e fiton përshtypjen se është shkruar enkas për ne. Kjo është një satirë politike me elemente groteske, që përshkruan një kohë lufte dhe periudhën pas asaj lufte, duke pasqyruar jetën e disa njerëzve në një çmendi”, ka sqaruar Erson Zymberi.

Teatri Kolonel ZoguSipas fjalëve të regjisorit, kjo shfaqje ka shumë elemente interesante, pos të tjerash edhe lojë koreografike, për realizimin sa më profesional të së cilës janë të angazhuar edhe dy koreografë të njohur nga Bullgaria, Stanislav Genadiev dhe Violeta Vitanova.

Në këtë shfaqje është e angazhuar një trupë prej 7 aktorëve gjakovarë, të prirë nga doajenia kosovare e aktrimit, Myrvete Kurtishi, e ku gjenden edhe Ylber Bardhi, Altina Kusari, Edmond Hafizademi, Ylber Ballata, Valon Pallaska dhe Bujar Ahmeti. Skenografinë e ka përgatitur skenografi i njohur kosovar, Petrit Bakalli, ndërsa kostumet Valmira Rrahmani.