Wednesday, June 5, 2024
AktualeLajme

Thirrjet e Nënave: Vulin Stop dhe mos eja kurrë në Gjakovë!

Pas deklaratave të ashpra që ka dhënë ministri serb Aleksandër Vulin pas protestave të  6 janarit në Gjakovë , duke i quajtur protestuesi si “jo njerëz”, ka reaguar të merkuren Shoqata “Thirrjet e Nënave”. Po e botojmë reagimin e tyre.

kisha gjakove 1Ndjejmë obligim shpirtërorë dhe moral për te reaguar si qenie humane dhe njerëzore për hatër te 1500 personave te vrarë e të zhdukur të Komunës se Gjakovës, qe edhe të vrare e të zhdukur nuk gjejnë ende paqe shpirtërore pas provokimeve qe po ju bëhen nga qeveritaret serb me ardhjet e tyre ne Kosove, Gjakove, kinse për kremta festive.

Ne nënat, baballarët, motrat , vëllezërit dhe te gjithë qytetaret e Komunës se Gjakovës, ndjehemi te fyer nga sjellja e ulët nen ndikimin e politikave radikale e kriminale te percjellura brez pas brezi, te ministrit  të Qeverise se Serbisë Aleksander Vulin, duke na konsideruar si “Jo Njerëz” nenat , baballarët dhe te gjithë qytetaret e Gjakovës.

Ju Aleksander Vulin, besoj që  nuk kuptoni nocionin e fjalës “Njeri”, dhe nuk besojmë qe do ta kuptoni ndonjëherë për arsye te edukatës së vrasjes, urrejtjes, luftës , krimeve qe ju kanë rritur dhe percjellur nder breza, qe I keni dëshmuar ne luftërat e fundit, dhe te jesh i bindur për këtë gjë.

Ajo çfarë ke parë ti është dhembja e nenës qe ende nuk din për fatin e djalit te saj qe njerëzit tuaj ja zhduken , ajo çfarë ke pare ti është loti I babait te vajzës se re qe njerëzit tuaj ja mbyten , ajo çfarë ke pare ti është shtëpia e djegur qe njerëzit tuaj e dogjën , ajo çfarë ke pare ti janë bashkëshortet dhe fëmijët qe njerëzit tuaj I dhunuan, ajo çfarë ke pare ti është plaga e freskët  që ende kullon gjak e plot qytetareve te Gjakovës qe njerëzit tuaj ju hapen, dhe qe u rendua shumë  pas marrjes se lajmit qe do te jesh ti I pranishëm me njerëzit tuaj afër tyre, dhe mbi te gjitha mbaje mire ne mend se ajo çfarë ke pare ti janë Shqiptare , dhe te tille do ti gjesh gjithmonë sa herë që ju provoni te luani me fatin e tyre, duke provokuar nënat, baballarët, bijtë e kësaj toke .

Ne familjaret e personave te pagjetur dhe te vrarë te Komunës se Gjakovës kërkojmë nga Institucionet Vendore dhe Ndërkombëtare, qe personit në fjalë,  Ministrit Aleksander Vulin ti  ndalohet hyrja ne Territorin e Kosovës, duke pare nxitjet qe po shkakton qofte me prezencën e tij apo me deklaratat e tij nga ai dhe personeli I tije me qellim për te destabilizuar rendin dhe qetësinë qe mbizotëron ne komunat tona, dhe te shpallet si Person I Padëshirueshëm, ne gjithë territorin e Kosovës,duke pasur parasysh faktin qe nuk ndjen ndonjë fajësi dhe nuk ndjen te kërkoj falje për te gjitha krimet e shkaktuara qoftë në Gjakove dhe në tërë territorin e Kosovës poashtu.

Kështu thuhet në reagimin e Shoqatës “Thirrjet e Nënave” të nënshkruar nga kryetarja e  Shoqatës ,  Nesrete Kumnova.

Ndryshe, te merkuren   Kryetarja e Komunës së Gjakovës, Mimoza Kusari Lila ka pritur në takim familjarët e të pagjeturve të shoqatës “Thirrjet e Nënave”.

Takimi-me-nenat e GjakovesKryetarja e kësaj shoqate, znj. Nysrete Kumnova, fillimisht ka uruar kryetaren e Komunës për detyren e re dhe ka falënderuar për mbështetjen e vazhdueshme, me theks të veçantë për mbështetjen që si kryetare e komunës e dha në rastin e ndalimit të vizitës së ministrit serb pa protofol, Vulin.Kryetarja e Komunës së Gjakovës, Mimoza Kusari Lila i ka siguruar familjarët e të pagjeturve se në vazhdimësi do ti mbështesë dhe se çështjen e të pagjeturve do ta ngrisë në instanca sa më të larta, në mënyrë që ankthi i pritjes për këta familjarë të përfundojë sa më shpejtë.