Friday, March 29, 2024
AktualeLajme

Treshja e fituesve The voice of Albania’ te kryetarja

Mimoza-Kusari-LilaFituesi dhe dy gjysmëfinalistët  e manifestimit  “Voice of Albania 3”, Florent Abrashi si dhe  Albi Xhepa e Vesa Smolica janë pritur në mënyrë solemne te kryetarja e komunës Mimoza Kusari Lila

Duke u shprehur mirënjohjen dhe admirimin për këtë sukses të tre talentëve nga Komuna e Gjakovës, kryetarja u ka thënë treshes së talentëve, se me këto suksese na keni sjellur shumë emocione dhe na keni bërë të ndjehemi krenar. Duke u shprehur e entuziazmuar për këto suksese, kryetarja Mimoza Kusari Lila ka premtuar se për talentë të tillë do të ketë edhe mbështetje institucionale, pasi është edhe përgjegjësi e saj për stimulime në talentë.

“Deri më tani ju jeni vetëfinancar, ndërsa tani neve na bie përgjegjësi që për talentë si ju të ofrojmë mbështetjen tonë” është shprehur kryetarja Mimoza Kusari Lila e cila ka shprehur urimin dhe besimin e saj se këta talentë do të kalojnë edhe kufijtë ndërkombëtar. Florent Abrashi, fitues i “Voice of Albania 3” ka shprehur falënderimin për pritjen e bërë nga kryetarja e Komunës, dhe ka thënë se “është një kënaqësi e madhe të jesh pjesë e komunitetit të Gjakovës”.

Abrashi ka pohuar se tani pas fitimit të çmimit ka arritur ta bind veten se është pjesë e diçkaje. Talentja tjetër Vesa Smolica ka thënë se nuk mund të ndahet nga suksesi i fituesit dhe se ndjehet pjesë e saj, ndërkaq Albi Xhepa është shprehur falënderues për këtë pritje në zyrën e kryetares së Komunës, me konstatimin se “po funksionon më ndryshe, pasi është hera e parë që ndokush janë pritur në mënyrë të tillë”.