Saturday, February 3, 2024
Aktuale

Tufa qensh në rrugët e Gjakovës

qant ne rrugeNumri i qenve endacakë në komunën e Gjakovës vazhdon të rritet çdo ditë e më tepër ndonëse komuna ka organizuar disa aksione për kapjen dhe strehimin e tyre në një strehimore në Rahovec.

Kjo gjë po ndikon që të rritet edhe shkalla e rrezikshmërisë për qytetarët. Këta të fundit kanë thënë se po tmerrohen kur po i shohin turmat e qenve, madje edhe në vetë qendrën e qytetit.

E, shqetësim më të madh po shprehin prindërit, fëmijët e të cilëve rrezikohen nga këto kafshë gjatë vajtje-ardhjeve nga shkolla në shtëpi dhe anasjelltas.

Me këto konstatime të banorëve po pajtohen edhe në komunë. Por, Ali Tafarshiku këshilltarë I kryetares së komunës , ka thënë se edhe këtij halli të qytetarëve po i vjen fundi shumë shpejt. Ai ka premtuar se seshpejti  nuk do të ketë asnjë qen endacak nëpër rrugët e qytetit të Gjakovës.

“Pasi strehimorja në Rahovec nuk është treguar si zgjidhje adekuate, ne kemi vendosur që ta ndërtojmë një strehimore tonën. Vendosëm që shumën prej 22 mijë eurosh ta sigurojmë vetë. Në mbledhjen e fundit të bordit komunal, kryetarja e komunës ka kërkuar nga të gjitha drejtoritë që nga buxheti i tyre të kontribuojnë me një shumë të caktuar të mjeteve, derisa të arrihet shuma e nevojshme. Tashmë, paratë janë siguruar, lokacioni është ndarë dhe ditët në vazhdim vetëm pritet fillimi i punimeve për ndërtimin e strehimores së qenve. Ju premtoj se deri në gjysmë të muajit dhjetor nëpër rrugët e komunës nuk do të ketë asnjë qen endacak, sepse të gjithë do të jetë të futur në strehimoren e re”, ka thënë Tafarshiku.