Të enjten në mbrëmje u bë promovimi I projektit humoristik me titull “Turistët nga Kosova 2”, me autor dhe regji të Beni Danqelit(Shkokla). Në këtë film, të zhanrit komedi dhe aventurë, interpretuan aktorët e shquar të humorit: Elida Shasivari, Ben Danqeli, Granita Radogoshi, Rrushe Berisha, Shpresarta Sadrija, Islam Zhuri, Xhevat Zherka e tjerë.
Situatat gazmore të realizuara në këtë film, komedi dhe aventurë paraqesin realitetin tonë me kërkesat e disa të rinjve për martesa me interes në botën e jashtme…Rrugëtimi I personazheve kryesore të filmit nga Gjakova nëpër qendrat e ndryshme të regjionit përcillet me situata komike që krijojnë të qeshura të vazhdueshme. Anipse tema qendrore I takon përditshmërisë gjakovare dhe kosovare, kur kërkohet që mbesës t’ia gjenin të dashurinë I cili kishte filluar bashkëjetesën me një “gjermane për letra”, realizimi bëhet në një formë moderne.
“Është ky projekt i vazhdimësisë së filmit “Turistët nga Gjakova” dhe një qasje ndryshe e humorit që më flenë në zemër. Jam I lumtur që në premierën e tij publiku u kënaq së qeshuri. Besojë se unë bashkë me ekipin e shkëlqyer të aktorëve kemi arritur t’iu ofrojmë çaste të këndshme dhe të sjellim mesazhin tonë se martesat e të rinjve nuk duhet të bëhen për interesa. “ tha Danqeli.
Komedia më e re e humoristit Ben Danqeli e realizuar me cilësi nga studio Video Bimi, u mirëprit nga adhuruesit e humorit që kishin mbushur sallën universale të Pallatit të Kulturës Asim Vokshi.(gjakovapress.info)
