Universiteti Publik “ Fehmi Agani” në Gjakovë të premten kremtoi një vetorin e themelimit. Kjo ditë dhe ky manifestim, që rastisi me 7 mars, në ditën e mësuesit, i tubojë krerët më të lartë të Qeverisë së Kosovës, të Akademisë së Shkencës dhe Arteve të Kosovës, personalitete të jetës shoqërore, politike e fetare. Rektori i UP ” Fehmi Agani” në Gjakovë Bajram Nura, duke folur për rëndësinë e themelimit të këtij institucioni të lartë të dijës dhe shkencës ka theksuar se “ Gjakova sot është më solemne më e pasur. Është me një kult të dijës e shkencës me Universitetin Publik “ Fehmi Agani”. Në këtë vazhdë të fjalimit të tij Nura ka saktësuar se “ Universiteti i Gjakovës “ Fehmi Agani” do të krijoj kuadro të përgatitura shkencorë, për arsim shëndetësi, ekonomi, administrata si dhe fusha e tjera përmes cilave Kosova por edhe rajoni do të rrisë aftësitë konkurruese, nivelin e arsimit si dhe aspektet tjera . Sipas Nurës, UP “ Fehmi Agani”, personeli akademik dhe studentët do të zhvillojnë dhe promovojnë partneritet rajonal, Evropian por edhe global për të zbatuar dijen e tyre në praktikë, në mënyrë që të përmirësohet cilësia e jetës në Kosovë dhe rajon”. Ministri i Ministrisë së Arsimit dhe Shkencës së Republikës së Kosovës, ka shprehur me emocione faktin e themelimit të këtij Universitetit.
“ Jam i privilegjuar, në këto qaste kur po folim për një vjetorin e themelimit të një tempulli të shenjët më prestigjiozë të dijës. “ Sikur sot të ishte në jetë i ndjeri akademik Fehmi Agani, dhe ta pyesnim se ku dëshiron të ketë një Universitet, pa dyshim se do të thoshte në Gjakovë. Ministri Buja ka thënë se “Universiteti për të cilin jemi tubuar në një vjetorin e tij, lindi në një vatër të dijës dhe shkencës me traditë siç është Gjakova”.
Ndërkohë në fund ministri Buja ka theksuar se “ historia e fillimit të arsimit shqip, vërteton më së miri se kur një popull mbështet një ide fisnike, siç është arsimimi në nivel universitar, dhe asnjë forcë nuk mund ta ndalë jetësimin e kësaj ideje”. Kryeministri i Republikës së Kosovës Hashim Thaqi, tha se “Kur u vendos të themelohet Universitetit në Gjakovë, kishte zëra skeptik dhe të rezervuar për fatin e këtij institucioni. Por nga të arriturat e këtij institucioni të lartë shkencorë shihet se paskemi pas të drejtë të vendosim që Gjakova të ketë universitetin, me emrin e strategut vizionarit intelektualit të urtit të guximshmit dhe të pavdekshmit akademik Fehmi Agani. Kryeministri Thaqi ka thënë se kam pas besim në këtë tempull të dijës.
“ Personalisht kamë besuar se suksesi në këtë institucion arsimor në Gjakovë nuk do të mungoi. Sikur që kamë pasur besim në akademikun Fehmi Agani, ashtu kamë besim që emri ti tij puna e angazhimi në rrjedhat e çështjes së Kosovës do ti japë energji të shëndosh studentëve dhe pedagogëve në arritjen e dijës dhe shkencës. Kryeministri është zotuar se UP “ Femih Agani”, do të ketë përkujdesjen e Qeverisë së Kosovës, e Ministrisë së Arsimit, dhe kjo mbështetje do të jetë konkrete. Në bisedë me kryetaren e Komunës së Gjakovës Mimoza Kusari- Lila, vendosëm që shumë shpejtë të fillojmë me ndërtimin e një objekti të ri për universitetin e Gjakovës, ku do të plotësoi nevojat e Gjakovës dhe më gjerë. Kryetarja e Komunës Mimoza Kusari- Lila, është shprehur e nderuar në këtë manifestim.
“ Është nderi i veçantë që sot para jush në ditën e 7 marsit, ditën e mësuesit dhe në një vjetorin e themelimit të Universitetit Publik të Gjakovës që mbanë emrin e strategut vizionarit intelektualit të guximshmit dhe të pavdekshmit akademik Fehmi Agani, të përurojmë këtë objekt. Të nderuar të pranishëm, Universitetit Publik i Gjakovës, filloi punën e tij në vitin Akademik 2013-2014, si pasues i Shkollës së Lartë Pedagogjike duke filluar nga gjysma e dytë e viteve të 60-ta, fillimisht e themeluar si akademi pedagogjike me vendimin e Kuvendit Komunal të Gjakovës. Ndërsa, punën e filloi me 1 tetor të vitit 1967. Nga vitit 1968 e deri në vitit 1977 u hapën drejtime kualifikuese universitare. Universitetit i Gjakovës “ Fehmi Agani”, në planifikimin e tij pa me dysheje se do të kontribuon në aftësimin e kuadrove universitare në shumë fusha të dijës dhe shkencës. Në universitetin “ Fehmi Agani”, këtu, në këtë vend shpresohet të studiojnë djem e vajza nga të gjitha trojet shqiptare. Patriotizëm kulmor tash për tash në këtë kohë është vetëm dija. Ky Universitet i dedikohet, studentëve dhe familjarëve si dhe gjithë qytetarëve të komunës së Gjakovës, komunave të Malësisë së Gjakovës, Tropojë
, Bajram Curr, Golaj e shumë lokaliteteve të banuara në këtë rajon. Këtu do të krijohet njeriu i ditur për Kosovën, dhe këtë e besoj me sigurinë time se ky institucion do ta bëj gjithçka që nevojitet për profesionalizimin e rinisë tonë. Në këtë ditë të shënuar me nderim të thellë i përgëzoi të gjithë atyre nxënësve , studentëve, pedagogëve, asistentëve dhe dashamirëve të tjerë të arsimit në gjuhën shqipe, që pa reshtur vazhduan rrugën për ngritjen e nivelit arsimor e shkencor në komunën e Gjakovës. Gjakova përherë i ka pasur dyert e hapur për të zhvilluar ngritje akademike e shkencore. Kjo është treguar decenieje me par me themelimin e institucioneve të para arsimore e deri me tani me themelimin e Universitetit Publik “ Fehmi Agani”. Të gjithë qytetarët e Komunës së Gjakovës janë mirënjohës për vendimin e marrë nga Institucionet qendrore që edhe Gjakova të ketë universitetin e vet. Te nderuar të pranishëm me lejoni që në emrin tim personal, Komunës së Gjakovës dhe gjithë qytetarëve të saj të ju uroj këtë ditë të shenjet 7 marsin ditën e mësuesit. E gëzofshi Universitetin Publik “ Fehmi Agani” dhe suksese.