Valon Shehu, në Festivalin e 58-të në RTSH
Solisti ynë i shquar Valon Shehu është pjesë e Festivalit të 58 të Këngës në Radio Televizionin Shqiptar. Valoni do të prezantohet me stilin e tij të veçantë artistik të interpretimit, me këngën me titull “Kutija e pandores” me muzikë të Eugent Bushpepa.
Valon Shehu u bë i njohur fillimisht në talent shoë të ndryshëm në Shqipëri, por famën e preku në skenën e Top Fest 4, në maj të 2007-ës me këngën “Sa do të doja”. Përgjatë mbi 12 viteve karrierë, Valon Shehu ka rrëmbyer një sërë çmimesh të rëndësishme në festivale si Kënga Magjike apo Top Fest, ku përmendim “Artisti më i mirë mashkull” në 2010 dhe 2016 apo “Artisti më i pëlqyer” në Kenga Magjike 2017. Pjesëmarrja e Valonit në spektakle si “Your Face Sounds Familiar” i dha këngëtarit nga Gjakova akoma dhe më shumë vëmendje e fansa si nga Shqipëria, ashtu edhe Kosova e më gjerë.
Pas 7 vitesh, Valoni kthehet në skenën e madhe të Festivalit të Këngës me energji të reja…
Në fakt Radio Televizioni Shqiptar javë më parë ka publikuar 20 këngët pjesëmarrëse në Festivalin e 58 të Këngës, të përzgjedhura nga juria e drejtuar nga dirigjenti Zhani Ciko.
Këngët e këtij edicioni mbajnë vulën e kompozitorëve me emër si; Adi Hila, Darko Dimitrov, Florent Boshnjaku, Eugent Bushpepa e të tjerë, që do të vijnë nën interpretimin e , Albërie Hadërgjonaj, Arilena Ara, Eli Fara, Stresi, Elvana Gjata, Bojken Lako, Devis Xherahu, Era Rusi, Gena etj. Të 20 artistët do të ngjitën në skenë në datat 19 dhe 20 dhjetor e në natën finale të 22 dhjetorit, prej nga ku do të dalë përfaqësuesi i Shqipërisë në Eurovizion 2020, i cili zhvillohet në Rotterdam, Holandë, në Maj 2020.
Vitin e kaluar fituese ishte Jonida Maliqi me këngën “Ktheju tokës” me muzikë dhe poezi të Eriona Rushitit.
Teksti I këngës
Kutia e Pandorës
Ky mallkim, vend ku foshnjat lindin
Por nuk qajnë, me këtë fat që na kanë dhënë ne peng na mbajnë.
Prap’, me ujëra të helmuar duart lajmë,
Erdhi koha fatit t’i bëjmë balle
Frika nuk na step, koha nuk na pret më
Hija po na ndjek, deri kus’ka dritë më.
Shko, shfaqi ëndrrat dhe n’ato beso!
Kohën tashme ndale dhe
Shko, në këtë tel të kalbur sot kalo,
Dhëmbët ti shtrëngo, me fuqi lufto
Do bashkojmë, zërat që qytetin
Ne ta zgjojmë, në këtë rrugë do të mashtrojmë
Bashkë, t’i shkundim me një frymë kur të këndojmë
Sepse fatin ne mund ta ndryshojmë
Frika nuk na step, koha nuk na pret më
Hija po na ndjek, deri kus’ka dritë më.
Shko, shfaqi ëndrrat dhe n’ato beso!
Kohën tashme ndale dhe
Shko, në këtë tel të kalbur sot kalo,
Dhëmbët ti shtrëngo, me fuqi lufto
Me fuqi lufto