Saturday, February 3, 2024
LajmeSporti

Vellaznimi- Gjilani të enjten në Mitrovicë për barazh!

VellaznimiNë Federatën e Futbollit të Kosovës është hedhur të martën shorti për ndeshjet e barazhit. Vëllaznimi luan me Gjilanin të enjten prej orës 13.30 në stadiumin Riza Lushta. Futbollistët ‘Kuq e zi’ do të kërkojnë ekzistencën në superligë me një ndeshje në teren neutral pasi kampionatin e mbyllen në pozitën e 10-të me 34 pikë përballë Gjilanit që në ligën e parë u klasifikua e treta në tabelë.

Një gjë të tillë, Vëllaznimi e kishte realizuar vite më parë kur në barazh luajti me Besianën dhe kishte shënuar fitore. Ditë më parë edhe kryetrajneri Genc Hoxha ishte shprehur optimist se Vellaznimi do të ketë forcë ta mposht Gjilanin.

Të shpresojmë se edhe këtë herë futbollistët gjakovarë do të mobilizohen për fitore dhe dalje nga kriza që e kishte kapluar javëve të fundit. Gjakova e meriton një skuadër në elitën e futbollit kosovar falë traditës 88 vjeçare që ka por edhe numrit të madh të tifozerisë që ka pasur gjithnjë.