Wednesday, April 24, 2024
Sporti

Vëllaznimi përgatitet intensivisht

vellaznimi
Futbollistët e Vëllaznimit intensivisht po përgatiten për stinorin pranveror të garave të superligës së futbollit kosovar. Të prirë nga trajnerët, vëllezërit Ibrahim dhe Mustafa Domi, 26 futbollistë dje kanë vazhduar me ushtrimet intensive kondicionale. Edhepse ende nuk ka asgjë konkrete, faza e dytë e këtyre përgatitjeve planifikohet të mbahet në Durrës. Drejtues të klubit janë në kërkim të donatorit për të siguruar koston e kësaj faze të përgatitjeve.
Ndryshe, fondi i futbollistëve të Vëllaznimit nga dita në ditë po begatohet. Tashmë në radhët e “kuq e zinjve’ janë rikthyer nga Klubi i Futbollit Deçani edhe sulmuese  Rilind Juniku dhe portieri  Alban Xharavina.  Para tyre këtë e ka bërë edhe mbrojtësi Debatik Qarkagjija.
Rritja e fondit të futbollistëve krijon rrethana më stabile për një vazhdimësi të garave, gjë që ka munguar në stinorin vjeshtor ndërsa në anën tjetër do ti mundësojë kryetrajnerit Ibrahim Domi të përzgjedhë futbollistët më të përgatitur që do të përbënin  ekipin kryesor që do të bartë barrën e stinorit pranveror.