Saturday, February 3, 2024
Kulturë

Zgjidhet eseu më i mirë në temën “Dhuna në familje”

ese

Në kuadër të fushatës  “16 Ditët e Aktivizimit kundër dhunës me bazë gjinore”,   me moton  “Dhuna Godet … Bashkohu, Vepro”, organizuar nga Mekanizmi Koordinues Komunal kundër Dhunës në Familje,  është bërë vlerësimi i eseve më të mira të punuara në temën Dhuna në Familje, në të cilin kanë marrë pjesë nxënësit e Gjimnazit “Hajdar Dushi’ në Gjakovë.

Vendi i parë sipas vlerësimit të jurisë i ka takuar Dielli Sadriut, i cili është shpërblyer me 30 euro. Shpërblim i dytë  Arizona Gjihës,  dhe i treti i ka takuar  Ganimete Arapit.

Pos kësaj edhe autorët e 10 eseve të cilat janë vlerësuar  për  punën e tyre nga ana e jurisë, janë shpërblyer me nga një libër.