Gjakova i ka të gjitha mundësitë që të kthehet, në kryeqendrën e turizmit kulturor shqiptar
Me poemën me titull Gjakova të Agim Deves, më 25 Korrik 24, në parkun Ali Podrimja ka filluar edicioni parë i festivalit “Ditët e Shqiptarit”. Me çdo varg të poemës, Ina Varaku, solli në jetë emocionet dhe forcën e historisë së dhimbshme dhe heroike të Gjakovës e cila megjithëse ka vuajtur dhe ka derdhur shumë gjak për atdheun, shpirti i saj dhe rezistenca e palëkundur vazhdojnë të luftojë për një të ardhme më të mirë. Në hapje të festivalit, kryetari I bordit organizativ, Ermal Hasimja, tha se më shumë se muzikë, filma e valle, do të jetë një festë e madhe e artit, kulturës dhe traditës. Në këtë ngjarje janë 15 koncerte shqip, projektim filmash shqip, poezi shqip, gatime shqip e atmosferë shqip, në qytetin më shqiptar, në Gjakovën kuq e zi, ka thënë Hasimja. Para të pranishmëve, Hasimja ka treguar për qëllimin e organizimit të manifestimit dhe fillimisht formimin e fondit zhvillimor për Gjakovën. ….
