Filloi vjelja e mollëve

Ka filluar fushata e vjeljes së mollëve nëpër plantacionet e fermerëve gjakovarë. Në plantacionet e mollëve që nga paslufta kanë filluar të kultivohen varitete  cilësore dhe produktive që japin rendimente të larta.  Cilësia e mollëve të grumbulluara në fazën e parë të vjeljes është mjaftë e lartë.

Mollët vendore, nga plantacionet e pakta të fermerëve gjakovarë kanë filluar të dalin në treg duke e zbritur çmimin e lartë të importit. Absurdi më i madh është se në tregun tonë,  një kilogram banane që importohet nga vendet afrikane është më i lirë se një kilogram mollë që mundë të kultivohet kudo.

Dikur komuna e Gjakovës ka qenë e njohur për qindra hektarë me plantacione të mollës në kuadër të kombinatit bujqësor industrial “Ereniku” , ndërsa sot janë vetëm  70  hektar.